الصلاة💙
كل لما أحاول أواظب أصلي صلاة وأتنين وأرجع زي الأول 💔
طيب مبدائياً كدا هاقولك علي خطوات لو أستمريت عليها أسبوع بس بإذن الله مش هاتفوت صلاة والمواظبة هاتزيد بشكل ملحوظ وتدريجياً ومش هاتبقي صلاة الفروض بس .. لا دا هاتبقي ضحي وكمان قيام ووتر والسنن ان شاءالله 💙
أولاً :- تراقب أوقات الصلاة .. قبل لما الأذان يأذن روح أتوضي .. دا ثواب لوحدة أصلاً .. بالإضافة لـ أنه لما يأذن وتكون جاهز وعلي وضوء هاتتشجع أكتر بكتير من إنك تصلي على طول !
صلاتك على وقتها ليها ثواب أكبر وأكمل .. دا غير إنك كدا بتعالج أهم المشاكل وهي التأجيل والتأخير عن الصلاة
هاتلاقي نفسك خلصتها بدري فاكانت خفيفة على قلبك وماحسيتش بأي تقل فيها !
ثانياً :- ماتصليهاش كدا وخلاص .. خلي الصلاة ميعاد فضفضتك مع الله سبحانه وتعالي
قسم السجدات :
- أول سجدة :- مثلا أشتكي لربنا من حاجة حصلت معاك في يومك فضفضله .. هاترتاح والله وجايز فضفضتك دي تكون هي سبب في الحل اللي ربنا يبعتهولك بعدها 💙
- تاني سجدة :- أشكرة علي حاجة حصلت في يومك .. خلي أحداث يومك مرتبطة بكلامك مع ربنا في الصلاة علشان تبقي دايماً متجددة فاتبقي أنت دايماً مشتاق تروح وتصلي وتتكلم وتحكي وتفضفض ..
- تالت سجدة :- أدعي لنفسك بكل اللي تتمناه وبكل اللي بتحلم بيه في يومك .. وأختم دعائك بحاجات تتمناها في آخرتك .. من رضا ربنا عليك والدخول جنته بلا حساب أو سابقة عذاب وأن ربنا يهديك ويهدي بيك ويرزقك الأخلاص والقبول ويتقبل منك ويجعل كل عمل خالص لوجه الكريم وأن لا يجعل فيه رياء ويعينك علي الطاعة ويبعدك عن المعصية ويوفقك فيما يحبه ويرضاه 💜
رابع سجدة والأخيرة :- خليها دعوات لأهلك ولحبايبك وأصحابك .. شوفت واحد صاحبك أنهاردة مهموم مثلاً أدعيله بتفريج الهم .. شوفت صاحبك التاني بيغلط أدعيله بالهداية .. وهكذا .. حتي الدعوات دي لما تخليها مرتبطة بتفاصيل يومك هاتساعدك تشتاق للصلاة أكتر وتستناها علشان تدعي بيها وتتحل أمور يومك كلها من خلالها
وأختم بدعاء لنفسك .. قول اللهم أرزقني المواظبة علي الصلاة وأن يتقبل منك ويعينك علي نفسك وعلي الشيطان ويوهبك التعلق بالصلاة 🌸
ثالثاً :- كل يوم أحفظ خمس آيات وإقرأ بيهم في الخمس صلوات .. حبيت تقرأ بآية واحدة بس كل صلاة .. حبيت تقرأهم كلهم مرة واحدة .. مافيش مشاكل خالص براحتك
وبكدا هاتكون ضربت 3 عصافير بطلقة واحدة 😃
☆ هاتحفظ كل يوم قرآن قرآن جديد .. وهاتحمي نفسك من هجر القرآن .. بالعكس دا أنت ممكن تتفكر في الآية .. طول ما أنت بترددها ممكن تفهم معناها لوحدك .. ويا سلام بقي لو طبقتها في حياتك
☆ هاتساعد نفسك علي التركيز في الصلاة .. مش هاتبقي كروتة كدا وخلاص ولا مجرد آيات حافظها فابتقرأها بسرعة .. لا دا أنت هاتكون مركز جداً كمان وبتقرأها بتأني علشان بتسمع حاجة جديدة عليك لأول مرة .. وهاتبقي مركز تماماً علشان ماتغلطش .. فامفيش سرحان مع التركيز 👌🌸
☆ هاتستني الصلوات علشان تسمع فيهم .. فابالتالي الصلاة نفسها هاتكون ليك مجلس لحفظ القرآن الكريم .. وطبعاً طول ما أنت بتحفظ كل يوم 5 آيات دا بيساعدك أنك هاتختم القرآن بسهولة .. وطبعاً حفظ القرآن مشكلة بيعاني منها ناس كتير جداً .. فأنت هاتكون حافظت علي صلاتك وحافظت كمان علي قرآءتك وحفظك للقرآن 💙
#خطوات_عملي��_للمحافظة_علي_الصلاة🌸
صلوها حُباً لا فرضاً💙
