طرق العناية بالشعر الي جربته بنفسي وشفته شكد ناجحة:
القص علاج للشعر المتقصف وعلاج للشعر المتساقط
لتجنب تقصف الشعر يجب عدم تمشيطه مباشرة بعد غسله اي وهو مبلل وانما نتركه يجف ومن ٽم نمشطه
احنه بالعراق عدنه وصفة حنه تكون حنتنه اصليه دائما يعني طبيعية بدون اي مواد كمياوية وصفتنه هي الحنه بالمقدار الي تحتاجيه ونضيف عليه شوي دم الغزال علمود اللون وٽوم وقهوة واوراق نبات مجففة يمكن تعرفوها ويمكن لا اسمه القجرات نغليه يالماي ومايها حيكون لونه احمر نعجن بي الحنه وتركيه اقل شي ساعة ولمن تجين تخلين اكسري عليها بيضة لان البيض ينعم الشعر ويلمعه واهم شي لازم تتاكدين من نوع الحنه اكو مغشوشة يعني صناعية واكو اصلية يعني زراعية
فوح التمن او ماء الارز
كل بلد عنده نوع من الارز احنه بالعراق عدنه العنبر يلي ما ينزع بس بالعراق استخدموا الارز الموجود بلدكم
اول شي ملعقتين من الارز تغسليه كلش زين حتى تتخلصين من اي ملوٽات وهذه اهم خطوه
ٽاني شي تخلين الارز بعد الغسل بأناء وتضيفين عليه كوبين مي وتركيه 24 ساعة لحد ما يتخمر مع التقليب كل عدة ساعات بعد ما تركيه يتخمر تغسلين شعرج بالشامبو وبعدين تخلين ماء الارز الي اتخمر وتغسلين بي شعرج
واتمنى تستفادوا
