السلام عليكم و رحمه الله و بركاته
اهلا بيكوا أعزائي المشاهدين في حلقه جديده من برنامجكوا اللي كلكوا بتحبوا ( الشيف عائشه👩🍳)
انهارده أعزائي المشاهدين هعملكوا وصفه حلوه جدا و كلكوا هتحبوها 😍
هاتي ورقه و قلم و اكتبي معايا الوصفه يا ست الكل
١ـ كيلو لحمه مفرومه
( والله يا فوزيه على حسب بتحبي لحمه خروف 🐑و لا بقر 🐄و لا معزه 🐐و لا جاموسه 🐂انتي و زوقك بقى يا فوزتي 😁بس اهم حاجه اللحمه يا فوزيه اللحمه 🥩😁معلش اللحمه غاليه 😭بس تعالي على نفسك شويه و اجتهدي 😞اجتهدي يا ماما اجتهدي 😡)
٢ـ بصله مبشوره ( هتعيطي شويه بس كلوا يهون عشان البرجر 😪)
٣ـ بهارات البرغر ( ملعقة صغيرة متكتريش ده هو يا دوبك كيلو و جايبينوا بالعافيه 🙄)
٤ـ زيت الزيتون ( احم ملعقة كبيرة 😁 على فكره ممكن تجيبي اي زيت مش لازم زيت زيتون 😁 المهم متتعصبيش 😚)
٥ـ ملح ( ملعقة صغيرة 😒جايين على الملح اللي مالي البيت و يقولوا معلقه صغيره 😏 حطي يا فوزيه براحتك بس متكتريش لتموتي مني بعد الشر يا قلبي 😘)
٦ـ باربكيو صوص ( ملعقة كبيرة😒)
٧ـ بيضه
2 ملعقة بقسماط
طريقه العمل
بصي يا فوزيه هتحطي اللحمه في طبق معاها البصل و البيض و البقسماط ( حلو...... حلو ان شاء الله)
حطي بقى الملح و البهارات و اخليطيهم بضمير يا فوزيه 😡
و بعد كده الزيت و باربكيو صوص 😏
واخيرا تروحي تشكليهم زي ما انتي عايزه و بعد كده تحطيهم في التلاجه لمده تلات ساعات و بعد كده تطلعيهم تقليهم تشويهم تولعي فيهم شوفي انتي بقى
ـ طيب لو عايزه افرزهم
فرازيهم يا فوزيه و متقرفنيش لاني زعلانه منك و اخلعي بقى 😡
و السلام عليكم ورحمة الله وبركاته 😁
(اتفعلوا بقى عشان تعبت منكوا اتفففففعلوا 😡)
