الايمان بالاقدار غير انك تقللى من سقف حلمك وطموحك

السلام عليكم
بقابل بنات كتير اوى بتفشل ف احلامها ويتكسر طموحها وبتقول انا طاقتى كدة او دا قدرى يعنى ههرب من قدرى ازاى

دا مش قدر دا كسل وحجج واوهام فارغة بتوهمى نفسك بيها
الايمان بالقدر زى مثلا تبقى ف امتحانات ثانوية عامة زى كدة وقبل الامتحانات بتاعتك ماتبدا ب٣ ايام رجلك تتكسر وتبقى محتاجة عمليه وعملتى كل حاجة عشان السنة متضعيش عليا وملقتش حاجة اوك دا قدر واكيد ليه حكمة هعرفها بعدين
.لكن
تلخصى حياتك كلها وتقولى انك مش قد موضوع معين وتقولى ان دا قدرك ودا قدراتك احب اقول لساعدتك دا ضحك بس ضحك ع نفسك
حتى محاولتيش انك تكملى بتقعى بعد اول خبطة دا انت حتى متخبطيش

احلامك انت الى بتصنعيها بنفسك بذاتك
عندك ع سبيل المثال اديسون المخترع لما حاول ٩٩٩ ونجح ف الالف كان ممكن يقول دا قدرى كان ممكن يقول دى قدراتى لكن ف فرق بين الاتنين القدر حاجة مبتقدرش تتحكم فيها زى الموت بالظبط حاجة خارجة عن ارادتك حصلتلك وحاولت انك تصلحها محتاجة وقت

بلاش والنبى تخدعى نفسك وبلاش لو انت ام تربى بناتك ع ان نهايتها كدة كدة انها هتكون ام وتربى كمان هما محتاجين يكونو طموحين علموهم الطموح الجواز مش انجاز علمى او اختراع