السلام عليكم يا بنات☺
ندخل ف الموضوع 😄
اسباب كمكمه ريحه شقتك ممكن تكون:
**الشقه متقفله ابواب وشبابيك وستاير بحجه انك خايفه التراب يبهدلها 😒
**عندك اطفال مبيبطلوش دلق ف الميه ع السجاد والانتريه😞
**بتمشو بشبشب الحمام ع السجاد 😔
**السجاد والستاير والاتنريه متغسلش من العيد اللى قبل قبل اللى فات 😤
**القل والشوى والتحمير طووول اليوم والشفاط مقفول 😠
**عندك اطفال بيلبسو حفاضات وسله المهملات بتنسى ترميها اول باول
**المفاجاه ...بتنشرى هدومك جوه البيت 😨 يعنى حتى مش فى منشر داخلى!
***المفاجاه التانيه ..بتستعملى معطرات الجو بكثره ومبالغه!
اللى عنده سبب او اتنين من دول يرفع ايده 🙋
متزعليش ركزى فى الكام نصيحه دى وشقتك ريحتها هتبقى طبيعيه
1- اول ما تصحى من النوم ويوووومييييا تفتحى كل شباك وكل باب فى شقتك
حتى لو بتصحى العصر !افتحى برده كل حاجه ع الاقل 3 ساعات
(على الاقل يعنى الاكثر افيد ) ليه بقى ؟؟
لان التنفس اثناء النوم بيعمل ابخره 😳 تخيلى بقى
ابخره كل يوم لما بتتراكم طبيعى تعمل ريحه وبتعمل بصمه كمان بريحه معينه وثابته 😞
2-بعد ماتفتحى كل الشبابيك والابواب تقفلى شباك المطبخ وتفتحى الشفاط
ايه ده ايه العلاقه ؟!
الشفاط لو بعمل اكل بس 😒
لا انتى غلط 😌
الشفاط وسيله تهويه عكسيه يعنى بتسحب اى ريحه سواء دخان او ابخره او ريحه مكمكمه
ومعظم الناس مش بتستخدمه غير وهى ف المطبخ !
لكن لو كل يوم فتحتيه اول ما تصحى وقفلتى شباك المطبخ وفتحتى كل الشبابيك هيفرق جداااااااا
كل يوووم نص ساعه بسس 👌
***وانتى ف المطبخ افتحى الشفاط واقفلى شباك المطبخ علشان قوه الشفط
وقبل ماتنامى افتحى شباك المطبخ ..واول ما تصحى افتحى الشفاط 👍
3- الروايح الثابته يعنى اللى مش بتتغير سببها الوحيد فى النظافه
يعنى نظافه السجاد والستاير والانتريه هيفرق فى ريحه شقتك جدااا 😊
4-الميه لو اتدلقت على بطانيه او سجاد او انتريه الحل فى الشمسس
فقطط الشمس هى اللى هتحل المشكله وهتعقم وتنشف وتمنع اى تراكم لروائح ثابته 👌
5- كيس القمامه يترمى اول باول والمطبخ تفرزيه اول باول وترمى البايظ والمتعطن
6- مين ضحك عليكى وقالك ان سر ريحه شقتك فى المعطرات !!
المعطرات ضررها الصحى بسس يخليكى تقاطعيها وللابد ل
ان اقل حاجه بتعملها حساسيه الصدر 😞
المعطرات حطيها بعد ماتغسلى الستاير ف ميه الشطف
تحطيها ف ميه المسح او التلميع ..تعطرى السجاد بيها وهى بتنشف وقبل ما تتفرش
لكن الرششش عمال على بطال فى الهوا بيزود الريحه وبيثبتها وبيضر صدرك 😰
7- نشر الغسيل فى الاوض 😒
انتى متخيله كميه بخار الميه اللى هيملا صدرك وصدر عيالك !
لان الغسيل ف الحاله دى بينشف بهوا مكتوم ومتخزن مش متجدد زى هو البلكونه
انتى مكسله او مش قادره او حتى للاسف فرحانه بريحه المسحوق اللى ف الشقه
لكن متعرفيش ان النشر جوه الشقه على المدى البعيد بيكتمها وبيكمكمها قوووى 😞
8-حتت التلميع والتنضيف لازم تتغسل وتنشق فى الشمس اول باول
ومتمسحيش بشرشوبه مش نضيفه ولا تلمعى زجاج بحته مزيته ☺
9-لو زوجك مدخن ممنوووع يدخن جوه البيت (اخلاقيا ..ونظافه للشقه) 😊
10-الحمام الحمام 😄اى دواسات مبلوله او هدوم مركونه او علب وكركبه
كل ده بيعمل ريحه ف الحمام وبتطلع بره الشقه
دامت بيوتكم برائحه زكيه <3يارب اكون افادتكوا دعوه حلوه بقي
منقول
