السلام عليكم يا بنات ،، انا اسمي ربتاج عمري 20 سنه .. جصلتلي مشكله و احتاج الى المساعده ،، في الواقع ما عندي احد الجأ له و يدلني ع الصحيح ..
انا انسانه جدا عاديه بعاني من مشاكل كبيرة مع اهلي و محبوسة من زمان في المنزل ..
عن طريق الصدفه اجتمعت ب شاب بقروب ل مشهور ع السوشيال ميديا و كنا كتير نحكي و نمززح مع سوا بالقروب و هيك و انا صراحه استلطفته جدا لكن اكتشفت بعد فترة انه خاطب .. بس عرفت انه خاطب شلته من فكري كلياًّ ، و بعدت و بعد فترة اخرى اكتشفت انه هو ببادلني نفس المشاعر و عايش نفس قصتي بمشاكل كبيرة مع عائلته .. و البنت اللي خاطبها كانت مجرد ضغط من اهله لا اكثر و ما عمرة قعد معها الا يوم قراءة الفاتحه و بعدها سافر و ما عاد رجع و كل يوم يحكوا مكالمه سريعه زي انه بحكيلها كيفك شو عملتي بيومك و يقفل معها يعني هم مش متعلقين ببعض كتير ..
و هو كثير حبني و انا حبيته بس هو يقول انه ما يقدر يكسر بخاطرها عشان هو يعيش سعيد معي .. مع العلم انه هو اصر انو ندخل ب علاقه و كل م احاول ابعد عنه يرجع يقربني ..
ي بنات انا تعبت كثير و مش لاقيه حد يدلني شو اعمل ،، اخاف ادعي ان ربنا يجعله من نصيبي انا و اكون هيك بظلم البنت هديك .. لكن والله انه كل اليوم معي و هي ما تسال عنه ولا تهتم فيه ، ما اعرف والله شو اعمل احس بذنب كبير بالمقابل هو الشيء الوحيد اللي انا تمنيته عنجد من ربنا ..
انصحوني ارجوكم
