السلام عليكم ورحمه الله وبركاته انا في عمري 22 سنه و زوجي في عمره 34 سنه عندي طفله و الان حامل متزوجه من اربع سنوات الحمد لله زانا وزوجي متفهمين المشكله تيعي مع اهلو ملي تزوجت و اختو الكبيره تعمللي في المشاكل وهو يقوللي على جالي اسكتي هدي اختو عمرها 32 و عزبا خاطره ساحتتني من دارهم و ديما تحرشو و تقولوا مرتك مرتك ما تعرف تعمل والو مرتك خاليه مرتك نهار طول و هي في الفايسبوك الخخخ وانا والله يشهد عليا ربي اني قايمه بداري و مشني مقصره و درك و صلت تحرش فيه باه ما عدتش ندي بنتي عند اهلي و هو كي نتعركوا انا و اياه يقولي عندها الحق اختي انت متعرفيش تربي بنتك نهار طول وهي تبكي و بنتي هدي في عمرها عامين يعني عادي كي تبكي كيما الصغار الكل المهم و اخر حاجه عملتها عطات لزوجي رقم و فيسبوك وحده من العايله تعهم متزوجه و عندها 4 اطفال قدامي انا في الاول حطيت نورمال يحكي معاها حتان دخلت على النيه للفيسبو ك تيعو و قريت لي ميساج قاتلو اي قاتلي اختك اي مرتك خايبه و سحاره و كون ديتيه انت خير و مشها من عايله محترمه كي صارحتو و نعتلو لي ميساج و قوتلو انا ما بقيتش نروح لداركم خلاه ما قبلش و قالي تروحي بسيف عليك والله عيييت من المشاكل وانا الان حامل و خايفه على الجنين من كتره البكا و الغضب ي اريت تحطوني زي اختكم و تحكيو معايا بصراحه و تنصحوني عبالي الموضوع طويل ياسر سامحوليييي
