تعرفون منو هي المرأة الي الله ما كتب الها تصير أم؟ ؟
هي الي هواية ناس يتعاملون ويها بأسلوب سيء ويحسسوها بالذنب والصوج ويجرحوها بكلامهم وافعالهم بقصد وغير قصد ويحسسوها هي اقل منهم
محد يعرف هاي المرأة شون تنام بالليل يوميه ودموعها حاركة عيونها والوجع يعصر كلبها
هاي المرآة الي بتنجرح هواية لما تروح تبارك لوحدة جايبة جديد
وتحس ان كل الموجودين خايفين منها لتحسد الطفل
هي المرآة اللي صارت تكره تروح اعراس وفواتح وتكره تروح خطار حتى لحد يسألها
مصار شي عندج😏 دراجعي😖
ليش ماترحين فلان دكتورة 😞 ليش ما تاخذين فلان علاج💉💉💊💊💊
ليش ماترحين لفلان أمام🕌
ليش ماترحين لفلان سيد 👳
يجوز بيج تابعة 🎃 يجوز دايسه👣
ومن هالكلام
اتضرعي لله وامسكي الاستغفار يارب الله يكرمك !!
(وطبعاً هي الله بيعلم شكد تدعي وتتوسل من الله)
هي المرآة الي مستعدة تتنازل عن عين من عيونها حتى تشوف طفلها بالعين التانية
هي المرآة يلي بتتوجع من تفوت من كدام محل ملابس اطفال يعجبها هواية أشياء بس ماعدها احدا تشتريله وينكسور خاطرها
هي المرآة الي من تشوف وحدة تضرب جهالها او تدعي عليهم يحترق كَلبها
وتكَول يارب ارزقني وعهدا عليه مااضربهن بيكون نفسها تكَول صوني هالنعمة
الي غيرك محروم منها ومتمنيها ..
هي المرآة الي تشوف الحمل يلي بمنتهى السهولة بالنسبة لغيرها و بالنسبة الها شي مستحيل وصعب كلش
هي المرآة الي كلمة(ماما) بالنسبة الها تساوي كنوز الدنيا ومافيها .. ياريت الناس تفهم وتحس ويقدرون المرآة
الي كاعد تتعذب .. شكد محروك كلبها ومكسورة
ماتزيدوها عليها .. فكرو وانتبهوا أكتر لكلماتكم وتصرفاتكم !! لأن هي المرآة يلي هوايه نساء ميصير عدهم اطفال وكاعد يتعذبون •اللّـہ̣̥ يرزق كل محروم للذريه #يارب
اتمنى توصل لهواية ناس.. والسلام : )✋
