آهات مبعثره ج ١٠

** آهات مبعثرة **



##########
الجزء العاشر 🔟
##########


مر اسبوع ع قعده لجين عند سعاد ..

وفي يوم الساعه 4 العصر .. كانت لجين مع سعاد يتقهوون في الحديقه ويسولفون

سعاد :لجين وش تحسين فيه يمه .. ماادري ليه شكلك غريب اليوم

لجين : مافيني شي بس شوي راسي يعورني

سعاد بقلق : قومي جيبي عبايتك ويلا نروح للدكتور

لجين : لا يمه مايحتاج..

لجين : يلا انا استئذنك بااطلع غرفتي وارتاح

سعاد بشك : انزين ..

قامت لجين وفجأه داخت ومسكت بالطاولة

سعاد قامت بسرعه : لجييين وش فيك

لجين بتعب : يمه ولي يسلمك ابي اطلع غرفتي حدي دااايخه .. ومامر وقت الا و لجين سقطت مغمي عليها

سعاد تصارخ وتحاول تصحي لجين : لجييييين يمه .. لجين وش صار لك
تولييين توليين دقي ع السايق ..

تولين : ماما سايق روح بيت..

سعاد : اوووف نسيت انه ماخذ إجازة .. انزين دقي ع تركي بسرررعه وجيبي عبايه لجين

تولين وهي تركض : حاضر ماما ...

اتصلت الخدامه ع تركي وجابت العبايه وساعدت سعاد في تلبيسها ..

سعاد لبست عبايتها وظلت تدعي ..

وصل تركي ودخل الحديقه : عمتي وش صاااير

سعاد وهي تسند لجين ع الكرسي عشان ماتطيح وتعدل شيلتها : تركي بسرعه دخل السيارة .. لجين طاحت

تركي فز قلبه : طيب دقايق ..

حملوا لجين للسيارة وطلعت سعاد وساق بسررررعه ..

في السيارة كانت لجين بحضن سعاد وتتكلم كلمات مو مفهومه وفجأه قالت : حممممد وخر عني اكرهك
اكرهك

الله يااخذكم ..

سعاد بخووف : لجين حبيبتي تسمعيني .. وش تقولين يايمه

تركي حز في خاطرة وظل يفكككر منو حمد ...
تركي يكلم نفسه : معقوول يصير زوجها
لالا مااعتقد .. اصلا انا شكو وش دخلي

صرخت سعاد : لجييين ..

تركي وقف السيارة ولف وجهه : شصاير

سعاد : تركي عجججل لجين اختنقت و ماتقدر تتنفس

تركي وهو يسوق : عمتي غيري وضعيتها وفكي الشيله ..

سعاد : ياارب استر ...

وصلوا المستشفى وبسرعه اخذوها للغرفه عند نفس الدكتور اللي عارف بقصه لجين ..

بعد ساعه طلع الدكتور : ....

سعاد بخووف : ها دكتور شلونها

الدكتور : بخير .. بس ممكن اعرف شلون داخت وش صار لها

سعاد : ماادري قالت ان راسها يعورها وقالت بتطلع غرفتها ترتاح وفجأه وداخت

الدكتور : البنت بتضغط على نفسها وتحااول تتذكر الماضي .. يعني ارهقت نفسها واايد وانا سبق وخبرتكم انه مايصيير بيأثر ع صحتها

تركي : الحين شلونها ؟

الدكتور : خلص فاقت وعدت مرحله الخطر وعطيناها ادويه ومسكنات وصارت احسن
بس اهتموا فيها

سعاد + تركي : ان شاء الله ..

دخلت سعاد عند لجين واول ماوصلت حضنتها..

سعاد : ها يمه شلونك الحين ..

لجين بإبتسامه بااهته : الحمدلله ..

سعاد وهي تقعد جنبها : انا كم مرة اقول لك مالازم تفكرين بشي

لجين : ..... يمه شلون ماتبيني افكر وانا احس نفسي عايشه ومو عايشه
تاائهه ماادري منو هلي ووين ابوي ووين امي

سعاد بحزن : يعني للحين ماحسبتينا هلك

لجين بسرعه : لاااا يمه سعاد انتي كل شي بالنسبه لي
وربي مااقدر اوصف لك شلون معزتك عندي وحبي لك

سعاد ضمتها : الله يشفيك يايمه ويخليك لي يااارب

لجين : امييين ..

سعاد : يلا الحين عدلي شيلتك وطلعي

لجين : ووي يمه منو جابني لهني ؟

سعاد : تركي الله يحميه .. دااائما يساعدني ويوقف معاي
دقينا عليه وترك كل شي وجاء

لجين مبققه عيونها : جبتوني بدون نقاب

سعاد : هههههههه الحين هذا همك . يلا قومي تركي ينطرنا برا

...

قامت لجين وسعاد وطلعوا من المستشفى وطلعوا السيارة ..

تركي وهو يناظر لجين من المرايا : الحمدلله ع السلامه

لجين التقت عينها بعيونه وانحرررجت وصدت للدريشه وقالت بصوت اشبه للهمس : الله يسلمك ..

وصلوا البيت ونزلت سعاد... ولجين وطلعت غرفتها وانسدحت وهي تفكر بتركي وبنظراته ونااامت ... ...

####

يوم جديد ع أبطالنا //

في بيت سمر صديقه لجين $$

أم سمر : سمر يابنتي ليه تسوين بعمرك جذي
يكفي يايمه بكاء ونياح

سمر وهي تمسح دمعتها وتشوف صوره لجين : اااه يمه مانيب قادره انساها .. شلوون انسى رفيقه عمري وماادري حتى هي عايشه ولا ميته
ويين بتروووح مالها حدد يايمه حتى خالتها
كلمتها بنفسي عن لجين وماتتصورين شلووون كانت تبكككي وتدعي ع جابر ومرته
واتأكدت فعلا انها مو مخبيتها عندها

أم سمر : خلاص ياسمر خلاص ولي يعافيك قطعتي قلبي .. اقول قومي يايمه غسلي وجهك وطلعي عند حصه .. سئليها لو دروا بخبر عنها ...

سمر : ان شاء الله بااروح العصر ......


##########


للكاتبه ::::::: Dįànà