السلام عليكم
انا عضوة جديده
وحابه اكتب عن قصتي يمكن لحتى اخفف شوي من وجعي يلي صعب حدا يحس في وما بتمنى لحدا يتوجع مثلي
انا كنت حامل بطفلي الاول وكنت بعد الايام والاسابيع لحتى اوصل للشهر التاسع
ويجي اليوم المنتظر واشوف ابني واحضنو واشم ريحتو وتامل كل تفاصيلو
بالاسبوع 37 وبعد مجهزت البيت وحضرت لاستقبال قطعة من قلبي
باليل وفجأه بحس بوجع قلت اكيد اجى موعد الولاده صحيت جوزي وانا متحمسه قوم لازم نروح المستشفى
بثواني تحول الحماس لخوف كمية دم كبيره بشوفها بتنزل مني وصلنا المستشفى دكتور بيفحصني وانا على اعصابي بداخلي انا عارفه اني خسرت ابني عندي احساس بس ما بدي اسمع الدكتور ما بدي ياكدلي احساسي بس للاسف احساسي كان بمحلو وتوفى ابني وولدتو ولاده طبيعية كنت بتمنى ربنا يبعثلي معجزه واسمع صوت عياط ابني اول ميطلع للحياة 💔
الحمدلله على كل شيء
