وصاتني جداتي 👵وقاتلي يابنتي 👩الزينة مابنات دار والشينة معمرت دار لعقل👍 والرزانة هوما لي يعيشو بنت الأصل والشان
وصاتني خالتي وقاتلي كوني فحلة 😍في دار راجلك نوضي أنت الأولى وطيبيلهم القهوة☕️🍩وحطيها
وقاتلي المشاكل لي يصراو بينك وبين راجلك👨👩 حليهم أنت وراجلك متوصليش هدرتك لعجوزتك 👵ولا لأمك
وصاتني جداتي وقاتلي مين تنوظي ديري لعشا لمي شعرك💆 وغطيه بخمار ومتمسحيش يديك 🙌في بيجامتك ديري سربيتا ومسحي يديك
وصاتني خالتي وقاتلي مين تحطي لعشا تعشي معاهم 👇وما تاكليش من الطباسا الفارغين
وقاتلي مين تنوضي تغسلي المواعين مدريش الفوضى 🎯وغسليهم بشوية وبنظام ومين تكملي نشفيهم ورتبيهم باش الصباح تلقاي الكوزينة نظيفة
وصاتني جداتي وقاتلي هدري شوية وضحكي بالعقل هاذيك دار راجلك 👨مشي داركم
وصاتني خالتي وقاتلي مين تروحي ترقدي قولي لعجوزتك وشيخك تصبحو على خير
وصاتني عمتي وقاتلي ديري الشان لراجلك وحتارميه يولي يحبك 😍😍ويعشق فيك
وصاتني جداتي وقاتلي كما تدين تدان طيعي عجوزتك وشيخك لاخاطرش يجي نهار وتولي أنت في بلاصتهم وقاتلي ربحي دارك وراجلك وتدي دعوة الخير
وصاتني عمتي وقاتلي نصيحتي هزيها فراسك وديها لخياتك
وصاتني أمي الغالية العزيزة وقاتلي أنت بنت الناس والشان والعز كوني مرا في دارك إيلا سمعتي قولي ماسمعتش وإيلا شفتي قولي مشفتش وبلاكي تقعدي في جماعة يكونو يهدرو فالناس وقاتلي طيعي زوجك وحبي والديه كيما تحبي والديك
وكان منلقاش تفاعل نعرف بلي معجبتكمش
النصائح👎ونتمنا تكون عجبتكم إنشاله
