حديث بين راجل ومراته بس والله برافوووو عليها ...
_ هو : ايه رأيك يا حبيبتى نفطر النهاردة تفليتة ؟
_ هى : يعنى ايه ؟؟ تفليتة ازاى يعنى ؟!!
_ هو يعنى اكله خفيفة و سهلة عشان متتعبيش .. انتى صايمة وكدة ومش عاوزك تتعبى نفسك فى المطبخ .. فا نقضيها عيش وجبنه وبطيخ 😇
_ هى : طول عمرى بقول عليك ابن حلال والله
_ هو : وانا بموت فى المسقعة اللى بتعمليها ,, ايه رأيك ؟
_ هى : وهى كمان بتشكر فيك .. ماشى مفيش مشكلة
_ هو : بس متقليش البتنجان كله , خلى بتنجاية صغيرة تشويها واعمليلنا شوية غنوج .. حسسينا بئة بروايح رمضان بئة كدة .. ايوة بئة 😅
_ هى وبدأت تتخنق : ماشى .... سهلة
_ هو : وياسلام سلم على شوية بطاطس محمرة ,, وتبئى بنت اصول والله لو سلقيتها قبل ما تحمريها الله يخليكى 😈
_ هى : على اساس فرقت ايه ؟ ما كدة كدة محمرة يعنى ؟
_ هو : لا ازاى بتفرق فى الطعم طبعا دى طعم ودى طعم
_ هى وبتقول يارب اليوم يعدى على خير : طيب
_ هو : والله عليكى بشوية عجة بالبقدونس اللى بتعمليها دى حكااايه
_ هى ( دة جاى يحقق احلامه باين ) : و دى تفليتة من انهى اتجاه ؟ مش فاهمة انا ..... منفسكش فى دقية ورق عنب جنبيهم ؟
_ هو : لا يا حبيبتى عشان متتعبيش نفسك
_ هى : احلف ؟!!!!!!!!
_ هو : ااه والله .. وبعدين يعنى ان مكنتش اطلب الحاجة اللى بحبها من مراتى هروح لامى تعمليهالى مثلا ؟!!!!😅
_ هى : لا طبعا ودى تيجى هو : طب يلا ربنا معاكى عاوزة حاجة تانية غير البطيخة ؟ 😎
_ هى : ااه ... عاوزة ازازة بيبس اتنين لتر 😇
_ هو : اتنين لتر ليه ؟
هى : اصلى بحب ابلع مع التفليتة 😀
_ هو : ماشى ...................
هى : استنة وعاوزة كيس شيبسى عائلى
_ هو : ليه مانتى هتحمرى بطاطس 😕
هى: لا بتفرق دى طعم ودى طعم
_ هو : ماشى 😐
هى : ازازة كاتشاب كبيرة بئة الله يباركلك
_ هو : ليه ام الكاتشاب يعنى مش فاهم ؟ 😑
_ هى : عشان البطاطس لما بتتسلق وتتحمر لازم جنبيها سلطانية كاتشاب تسقى فيها😛 البطاطس .. طول عمرى بنت اصول انا والله
_ هو وقرب يضيع الصيام : ماشى
_ هى : وياسلام سلم على كيس موتزاريلا بئة بتعمل جو جامد مع العجة ,, روايح رمضان وكدة اووبح بئة
وبعدين يعنى ان مكنتش اطلب اللى محتاجاه من جوزى هطلبها من ابويا مثلا
_ هو : بقولك ايه عندك جبنة فى التلاجة وهجيب بطيخة و زى الفل على كدة ,, بلاها تتعبى نفسك يعنى وتقفى فى المطبخ ...
_ هى : طب و روايح رمضان ؟؟!!!!!! 😋
_ هو : روايح رمضان بالطاعة مش بالاكل يعنى
_ هى : لاااا يا شيخ
الستات محدش يقدر عليهم😂😂😂😂😂😂😂😂😂😂😂😂😂😂😂😂😂😂😂😂😂😂😂?
