إتنين متجوزين قرروا يروحوا شرم الشيخ ...
بس الزوجه كانت مشغوله ومش هتقدر تروح مع جوزها وقررت تروحله بعد يومين
الزوج وصل الفندق
وهو بيرتب حاجاته في الأوضه
فوجيء بكمبيوتر محطوط علي الطاولة
وفيه خط نت
فخطرت له فكره انه يبعت إيميل لمراته ويفاجئها بيه
وهو بيبعت الايميل لمراته غلط في حرف
والايميل وصل لشخص تاني
الشخص ده كان أرمله في الخمسينات
وكانت راجعه من دفنة جوزها
وهي بتفتح ايميلها وبتقرا الايميل وقعت علي الارض
ودخل ابنها الاوضه وشاف امه
مرميه علي الارض ومغمي عليها
الابن بص علي الشاشه وقرا الايميل .
((( زوجتي العزيزة - وصلت بخير والحمد لله .. يمكن حتتفاجئي لإنك بتسمعي أخباري عن طريق الانترنت ..
بس دلوقتي بقي عندهم هنا كمبيوترات
والواحد يقدر يبعت أخباره للأحباب
عموما أنا لسه واصل حالا وأتأكدت إن كل حاجه جاهزه
لوقت وصولك لعندي الجمعه الجايه ..
علي فكرة اشتقتلك كتير واتمني تكون رحلتك مريحه زي رحلتي
علي فكره قبل ما انسى
متجبيش معاكي هدوم كتير
لان الجو هنا جهنم ..
متتأخريش عليا )))
