هاذا هو السبب الحقيقي الي مخليني غادي نزل البيبي 😔

السلام عليكم البنات انا من بعد ما شفت انتقاداتكم واهاناتكم ليا حيت باغية نطيح ولدي....ولدي الي من لحمي ودمي..😔😢 انتوما مافاهمين والو غي كتهضرو ديجا حكيتلكم بلي انا عشت مراهقة صعيبة وقاصحة عشتها فدار جدتي مع عمامي الي كل صباح كيشوفو فيا بنص عين..بلا الحرمان من بزااف دلحوايج ابسطهم غي فلوس الحمام ولا الويز..حيت بابا وماما طلقو وانا فعمري 15عام معمرهم ماكانو مفاهمين كبرت فجو كلو مشاكل وعنف..المهم بابا تزوج عشيقتو الي كانت مدوراه على دارو وولادو وماما مشات لمدينة الناضور خدامة تماك وانا خلاتني فدار جدي الأخت ديالي مزوجة واخي عايش حياتو بوحدو..انا صراولي بزااف مشاكل فحياتي قلة الرعاية والعطف بقيت متبعا البنات حتى لقيت راسي فواحد الطريق ماشي ديالي وكنقلب على الحنان على برى..المهم فاش وصلت 18عام تزوجت بواحد وهمني بالحب وبزاف دلحوايج مشيت معاه باطل كنت كنقلب غي على الي يحن فيا..ساعة مين ديتو تقلب لقيتو لا خدمة لا ردمة مو تصرف عليه عاطيها غي البلوات...الخ بقيت معاه 5شهور بقا يضربني ويتكرفص عليا مقدرتش لديك الحياة..طلقت عمامي رفضو نولي عندهم نتوما عارفين المجتمع ميرحمش غادي تبقى داخلة خارجة ديرنا شوها كدا منا...صافي انا متحملتش الإهانات قررت نعيش بوحدي نخدم ونسلك باش ما كان..مشيت الطنجة وقفو معايا شي دراري تما الحمد لله قلبي بيض ديما كنلقى الي يوقف معايا واخا تكرفصت..صافي مقدرتش تما على الكراء وليت لوجدة بقيت كنوصي ناس الي كنعرف حتى لقيت خدمة فأحفير فواحد القهوة وعطاوني بيت في نسكن حيت عندهم فندق بقيت خدامة تما حتى شافني راجلي تما تعارفنا عشقني وعشقتو جابني لوجدة كرالي الدار بقى كيصرف عليا بقينا عايشين لحال امرة وراجلها..ودورك هاذي 5شهور ملي راني معاه بدون زواج مزوجين غي بالفاتحة..حيت هو خدام خدمة ضد القانون وفهاذ الساعة عندو مشاكل مع المخزن خاصو حتى يحلهم عاد يقدر يتزوج بيا حيت مكيخرجش نيهائيا من الدار يخاف يتشد..فهمتو دورك السبب الحقيقي انا فالأول كنت فرحانة وهو الي كالي حملي كنا ناوين غي نحمل نتزوجو وانا كلت واه نحمل باش يتشجع ونتزوجو بالحلال كنت ديما ندعي الله بغيت غي الحلال ياربي..😢😢ولاكن الضروف كانت اقوى ومكتابناش هاذ الولد خفنا نبقى حاملة بيه يصدق مشاكيلو طول واش نولدو بالحرام لا ورقة لازوج...انا مدمرة وحياتي مرونة..انا معنديش حل اخر انا ماشي بحالكم عندي دار بابا نرجعلها..انا الي عصيت هاذ الرجل غادي نلقى روحي فالزنقة والزنقة كلها غير دياب حتى وحدة فيكم معارفة انا لعشت فيها..انا مبغيتش نضيع فالحرام من هذا لهذا..الهم دورك مع واحد ولد الناس معمرو اداني كيبغيني واخا كندابزو مكيفوتنيش مهلي فيا بزاف وحنين معايا انا صابرة معاه حتى يحن الله وربي كيشوف من حالي...هاذ الشي غي مختصر قصتي لوكان نحكيلكم تصدمو كيفاش وحدة فسن 20 تفوت هاذ الشي...الي فهمتني وحست بيا دعيلي والي محستش معليش تسبني تاني وتقمعني وترد اللوم عليا...اصلا تعودت على الجروح...😔😔💔✋