لو سكتى مع حماتك فى بيت واحد خليكى فى شقتك وبس متنزليش تطبخى وتمسحى وتفرشى حتى لو هى كويسه معاكى عاوزه اقولك ان قبل الجواز وضع وبعد الجواز وضع تانى .
اوعى تيجى على نفسك وكرامتك عشان حد خليكى ديمآ محتفظه بكبريائك وشخصيتك ومتبئيش هبله وتقعدى تحكى عن كل حاجه فى حياتك .
شقتك مملكتك مهما كانت حجم المشكله لا قدر الله اللى بيتك وبين جوزك اوعى توصليها لاهله او لاهلك لان فى الاخر اهله هيقفوا معاه حتى لو غلطان واهلك هيشيلوا منه حتى لو سامحتيه .
لمليون مره هقولك متعمليش فيها الشاطره الشملوله وتطبخى اصناف وتعلى حاجات كتير علشان ترضيهم لانك لما تتعبى محدش هيقدر تعبك وهيقولوا انك بتدلعى وكل اللى انتى بتعمليه هيكون الطبيعى منك لو قصرتى بعد كده هيتقال انك اتغيرتى .
ولما تتعبى ارتاحى ولو الدكتور قالك تنامى على ضهرك يبئا تنامى ومتتحركيش واللى حوليكى يخدموكى .... ولو محدش هيقدر يعمل معاكى الواجب روحى بيت اهلك اكرملك هما اولى بتعبك .
الخلاصه : محدش فى يوم هيستحملك غير اهلك ومحدش هيخاف عليكى ولا ياخد باله منك غير نفسك .
