نصيحة وعن تجربة وبلاش بقى القلب الحنين مش هقول الضعيف زى ما بفتكروا أنه ضعف

من أخت ليكم ونصيحة من قلبى ليكم إلى كل فتاة مقبلة على الزواج أو متزوجة لا تستهاينى بالغلط فيكى إذا غلط فيكى جوزك وسامحتى واتكرر الغلط مرة وأتنين بلاش تسكتى ليكى أهل رودى عليهم عرفيه إن ليكى سند وأنك مش مقطوعة من شجرة لقدر الله فى ناس بتقول جوزى عمل وخلى وسوى ومليش حد اشتكيله طبعا فيه حاجة مذكرتهاش فى الكتابة بس مش ناسيها دة بس بسبب نفسيتى بااكتب وأنا ربى واحدة إللى عالم بيا اتوجهى لربنا واشتكيلوه وقولى وكلت امرى إليك يا ربى وبعدين معنديش سند صحيح ربك مبيسبش حد بس خدى موقف منه علشان يعرف غلطه ويحس بيه بلاش بقى الطبطبة والحنية اللى بترجعنا لمشاكلنا وبزيادة شوية كمان دى فوقى لنفسك بقى واعرفى إللى ليكى واللى عليكى زى ماهو عارف اللى ليه كويس وبلاش بقى حتة مفيش كرامة بين الواحد ومراته بلاش استكفينا نعمل باصلنا ونبقى ولاد أصول ونزودها قوى بس بردوا فى أسرار زوجية مينفعش تطلع بره غرفتك حتى ويارب تكون رسالتى وصلت لكل بنت أو فتاة متزوجة يلا بقى اثبتى وجودك قبل ما تنداسى فى الرجلين وخليكى قوية إنتى اذكى من أى حد إنتى أقوى من أى حاجة إنتى ضد الكسر وأنا بشكر أختى الغالية إللى ساعدتني افوق لنفسى وكانت معايا لآخر لحظة قبل ما افقد حياتى صحيح رب أخ لم تلده أمك وإنما ولدته لك الأيام والظروف ودى أجدع أخت بجد مش حابة أذكر إسمها هى مش محتاجة ذكر هى عارفة نفسها وربنا يباركلها بولادها ويشفيها هى وابنها اللهم امين يارب العالمين