نصـــ#ــائـح تجـــ💄ــ💅ــميليـه

هلووو بنات حبيباتي
اليوم راح اطيكم نصائح تجميليه كلش حلوه وتستافدون منها
كل الأشياء اللي راح أذكرها اني كتبتها يعني ما خمطتها يعني فدوه علقن وشجعني لأن عندي بعد نصائح فول😄😁يلا نبدي
1_ بنات اذا عدجن قلم اي لاينر خلصان 😢
ديرن بالجن تذبنه❌❌
استعملنه ويه الجل لاينر 😉 بمجرد تخلين بالقلم شويه من الجل وترسمين عينج راح يطلع فد شي كلش حلووو حتى إذا جنتي متعرفين راح تشوفيه كلش سهل😍😘

2_اذا عندج أقلام حمره متحبين ألوانها وممستفاده منهن😣 هم لذبيهن😄❌
اني اكلج شتسويلهن الحمرة طلعيها من القلم وخليها بخاشوكه وموعيها شوي ع الطباخ بس مو تحركيها😂 وراها مباشرة خليها بعلبه شدوو خلصان واستعمليها ك(شدو) يطلع فد شي😌😌

3_ بالنسبه للبنات اللي بشرتهم دهنيه😣 ويتعرقون من يحطون مكياج ومسامات وجوهم مفتوحه
عندي الحل بنات😍 قبل لتحطين مكياج جيبي ثلجايه ومرريها على بشرتج بالطريقه هاي راح تسدين المسام ومتتعرقين😉 (واكيد مو ننسه البرايمر)

4_ اذا انتي من البنات اللي يواجهون صعوبه من يحطن حمره وتطلع منا ومنا اني اكلج شسوين😉😉
جيبي قلم كحله ابيض أو بيج حددي بيه حلكج وراها جيبي اسنفجه الفونديشن (البيوتي بلندر) وسويله شوي عمليه طبطبه حتى ميبين وراها حطي حمره بكل سهوله😍😍😍😍

5 _ للي بشرتهم دهنيه هواي
جيبي ليمونة قسمها نصين وخليها بمي وتركيه نص ساعه بعدين غسلي بيه وجهج هم يقلل من الدهون حبيباتي 😍
6_ بنات لمن تخلين ماسكرا خليها من فوك ومن جوه جوه هذا الشي راح يطيج كثافة اكثر😌😌

7 _ بنات اذا تستعملين كونسيلر حتى تخفين الهالات السود اللي تحت عينج👀👀
ديري بالج تخلينا اذا ما تثبتيه ب(لوس باودر) لأن اذا ما ثبتيه راح يسيل وميطيج النتيجه الترديها

8_ بنات اذا ما متوفر عدكم لوس باودر اللي ذكرته فوك ☝ مو مشكلة
تكدرين تستعملين بودرة الأطفال وتثبتيه باسفنجه وتأكدي لازم تخلينا فد دقيقه إلى دقيقتين يلا توخرين الزائد بالفرشه

9_ بنات حبيباتي اذا بعدج مبتدئه وما تعرفين ترسمين اي لاينر
ارسمي باستخدام اللاصق خليه على عينج وبفرشه الايلاينر والجل لاينر راح يطلع كلش واو
وقبل لتحطين اللاصق على عينج حطي على ايدج مرتين أو 3 واشلعي حتى شويه مياذي عيونج الحلوات ❤❤

10 _ اذا عندج ماسكرا وخلصت لذبيها ابدا
استعملها كمشط لحواجبج كلش تفيدج وعن تجربه
واذا جانن حواجبج أبد ما يثبتن وتلكين شعر حواجبج نازل للأسفل
استعملي مرطب شفه وخلي شوي عليهن😍😍 وراح تلاحظين الفرق😉😉