هلاووووو #سندوساااتي حبيباتي الحلوات #عندج علم اليوم راح انسولف عن الاشياء الي تفيد الجسم بلا ادويه ولاروحي للدكتور وذبي هلكد وجيبي هلكد حبي
1_اذا جنتي تعانين من الحصوة بالكليه او المرارة جيبي (رشاد بر) ينباع عند اهل الخضرة. اتفورين الرشاد بمي وتحطينه يبرد وتضلين اشربين منه اول متكعدين من النوم ❀❀❀❀
2_ عندج علم اذا تعانين من مجاري بوليه او رمل وهيج اتجيبين كفشة ذرة اي سندوسه والله هي اسمهه كفشة ذرة مو كفشتج اتفوريهه وتخليهه. تبرد واشربين منهه راح تتفتت الحصوة او الرمل ويوكع. وادعيلي
3_عندج علم سندوسه خطيه امهاتنه رجليهن توجعهن حقهن كبرن الله يحفظ امهاتكم يارب. ويرحم المتوفيات اذا جانت ررجلج توجعج اجيبين زيت الزيتون وتحطين بي ملح. مثلا بطل زيت زيتون حطي جيس ابو الربع ملح ودلكي مفاصلج وشوفي الالم شلون راح ينمحي .
4_سندوسه اذا جانت عندج فطور برجلج طبعا هاي حرارة مال جسم. تطلع عليج. اتنظفيهن بمي واجيبين فازلين واوكسجين مال شعر وحطيهم برجلج والبسي جوارب. .وشوفي رجلج اصير اتجنن سندوسه. . 😊😊
5_عندج علم احبج 😍😍😍
تابعوني ليصلكم كل جديد
