#نصا��ح_سندوسية #تجميلي��_ومطبخية 😘
1. بما انه احنا بشهر رمضان فدوم ورا الفطور خلي يمج فد قنينة مي وبيها شريحة ليمون وشربي منها دائما الى حد السحور حتقلل العطش بشكل كبير وبعد مفيدة للريجيم 👍 وطعم المي يصير حيل لطيف 😁
2. اذا شعرج 👩🏻 او شعر بنوتج 👧🏻حييل خشن وصعب تمشطي 🙆🏻 الحل عدنا كل الي عليج تسويه بقنينة تحتوي على بخاخ تمليها ماء وتضيفيلها ملعقتين صغار من البلسم الي تستعمليي وتبخيها على شعرج او شعر البنوتة قبل لتمشطيه وحتحصلين على شعر ناعم وسهل تمشيطه 👸🏻
3. عندج مشكلة الاظافر الصفراء 💅 وتزعجج حيل 😕 الحل بسيط
عصري شوي ليمون وخلطي وياه ملعقة وحدة صغيرة من بيكاربونات الصودا حتى تصير عندج عجينة وتالي خلي من هاي العجينة على كل اظافرج لمدة دقيقتين وغسليها حتصير اظافرج حلوة مثلج عيني نانسي😉😉 ولونها فاتح واذا اظافرج حيل صفراء كرري هالعملية حتى تحصلين على احلى نتيجة 😘
4. اذا تحبين العطر يدوم اكثر لما تخليه كل الي عليج ❤❤ تخلين مرطب شفايف او اي مرطب كان على المنطقة الي تحبين تخلين عليها العطر وبهيج حتتضاعف المدة الي يدوم بيها العطر 😘😍😍
.5. قناع مرطب وبسيط ملعقة صغيرة عسل ملعقة كبيرة زبادي او روب واربع فراولات تهرسين الخليط سوا وتخليه على وجهج فقط ربع ساعة والنتيجة تجنن تبييض وترطيب للبشرة 😍
6. منو من عدنا متحب تلبس تراجي 😍 بس معظمنا عدنا مشكلة الاذن الحساسة الي تحمر وتحسوها تتورم من التراجي 😪الحل عدنا 😍
كل الي تسويه انو تدهنين الجزء الي يدخل للأذن بالفازلين وتلبسيها وبهيج ما راح تحسين بألم من تلبسين تراجي واذا اذنج كان بيها احمرار او جراحة اكو كريم بالصيدلية اسمه جنتلينا رهيب وهم مجرد تخليه على اذنج حول ثقب الترجية وبظرف يومين ثلاثة ترجع اذنج طبيعية 😍
7 . اذا تحبين تقلين باذنجان ومتريديه يشيل زيت هواي مجرد غطيه بطبقة رقيقة من الطحين واقليه وحيشيل زيت قليل حيل 😘
8 . اذا سويتي كيكة وحبيتيها تكون منفوشة نخلي الطحين مرتين او ثلاثة وبهيج تحصلين على كيكة منفوشة وتجنن ❤
9. اذا خليتي اكلة عالنار ودا تشتغلين بالمطبخ وتخافين انو تفور وتتناثر عالطباخ وتوصخه مثلا انو تغلين فاصوليا او اي شئ كل الي عليج تخلين ملعقة خشبية الي نستعملها بالطبخ تخليها بشكل عرضي فوك وجه القدر وبهيج مهما فارت الطبخة مستحيل تنسكب برا القدر ❤
❤️🦋
