_سر طبخ الرز الهيل والقرنفل كبسة اوزي قدرة أي شيء بدجاج اولحمة.
_ انا بنقع الأرز البسمتي بملح ومعلقه خل وماء دافيء قريبه للسخنه لمده ساعه بيصير حبه الأرز طويله متل المطاعم .
_ لون لحم السلق فاتح حطي معلقة سكر.
_ مع تنظيف الجاج بحط كربونه بتفور مع الخل و بتخلي الدجاج طري.
_ بحط حبه جزر مع اللحمه بتستوي أسرع.
_ فطائر لتبقى طرية حطي ملعقة خل بالعجين.
_ حتى تعدلي الحموضه في صوص البندوره حطي معلقة سكر.
_ حطي سكر في سلق اللحمه معلقه صغيره.
_ الملوخيه منشان ماتشط وماتمط حطي مكعب تلج بالطبخ.
_ لسلق البزيلاء والجزر أو الفول حطي معلقه سكر ومعلقه ملح في ماء السلق بيضل لونه اخضر.
_ حطي برش برتقال مع الارز البخاري أو الكبسه بيعطي نكهه طيبه.
_ لنكهه رز طيبه بعد ما يتشرب الأرز حطي على الوجه قطع زبده لورباك صغيره وزعيها على وجه الأرز طعم ونكهه طيبه.
_ ملعقة خل أبيض لخليط الكاتو
بينفش اكتر و بيطلع هش.
_ لماتغلي حليب حتى مايفور ادهني اطراف الطنجره زبده.
_ بس تعملي أي نوع لبن للكبه أو للفول أو المنسف حطي معلقه خل ما بيفرط اللبن معك.
_ وضع قليل من النسكافيه للبيض يعطي لمعه حلوه للمعجنات.
_ لما تطحني سكر وبطلع معك خشن شوي حطي نشا ملعقه صغيره بنعم كتير عالطحن وبصير ابيض.
اي شي اخضر وقت الطبخ لاتغطيه حتى يضل لونو اخضر.
_ لتتخلصي من زنخة اللحم والدجاج وتحصلي على طعم زاكي شوحيهم بشوية سمن وبصل قبل السلق.
_ حتى السبانخ ما ينزل مي في المعجنات بنحوس السبانخ في طنجره لحالو بدون البصل بس تقلبتين وبس تذبل بنصفي السبانخ منيح وبنحطها فوق البصل بعد ما حستو مع بصل.
_ عند قلي اللحمه المفرومه مع بصل رشي على اللحمه قرفه وهيل ناعم بتروح الزنخه.
_ حطي عالسكينه زيت عند تقطيع البصل حتى لا تدمعي.
_ حتى ما تشد معك اللحمه خلي الملح آخر شيء.
_ عجينة لبيتزا حطيلا لبن بدل من الماء بطتلع غير شكل انا بستعمل لكربونة بدل باك بودر.
_ لحتى اللحمه تطرى تبليها قبل بيوم وحطي معها كيوي مقطعه بتصير طريه كتيير.
_ أنا بغطي طنجرة الدوالي بورقة قصدير وفوقها ثقل عشان ماتتفتح الورقات .. بيضل لونها أخضر رائع.
_ السكر البني ....بس تستعمليه..حطي قطعة خبزة بالبكيت ...علشان يضل السكر طري وماينشف..راح تلاحظوا قطعة الخبزة نشفت...لانها امتصت الرطوبة....بترجعوا تحطوا كمان قطعة خبزة .
_ بدك زيت قلي البطاطا و المقالي ما يطرش ع الغاز و يطلع رذاذ رشي رشه ملح بالزيت وهو بارد.
_ سر التبوله
ننقع البرغل بعصير ليمون
رشه سكر ورشه هيل
عند فرم البندوره للتبوله نزيل اللب حتى ما تخبص
ونضع على زيت الزيتون ليمون وخل ابيض ودبس رمان وملح ورشه فلفل أسود وبضل أخضر خليط للتبوله.
_ عند سلق للحمه بعد ماتشيلي الزفره حطي معلقه صغيره سكر لأنه بتساعد على الطبخ بسرعه.
_ سلق البيض حطي معه ملعقة خل ما بطلع ريحه للبيض نهائيا.
_ ازا خلصت كميه لكريما وانتي بتزيني بالكيك جيبي كاسه حليب سائل بحراره الغرفه وجيبي ربع كاسه ماء فاتر ودوبي معلقه جفيلاتين بودره كبيره بالماء وحطيها بالمايكرويف مده 15 ثانيه وبعدين ضيفيها هي والحليب بوعاء كبير واخفقي لمده 5 دقايق واتركيها لمده ربع ساعه ورجعي اخفقيها لمده 6 دقايق متواصلة مع اضافه معلقتين حليب مكثف أو معلقتين قشطه وبعطيكي أطيب كريما متل الجاهزه بالزبط
