اخواتي 💖
كاين بزاف صوالح يساعدوك في زيادتك و ينغعوك تاني و انشاء لله زيادتكم تجي ساهلة 😻 نتمناها لكل وحدة :
1)- شربي الما بزاف💧 2 لتر فالنهار باش تيفيتي constipation و متنشفيش مل الما. حبسي علينا جد les pates 🍝 و الخبز 🍞 و الليموناد🍹و الباتيسري 🍰🍩🍪 و ليدام 🍟🍳 باش تجيك الزحمة ساهلة. كاينا حاجة... افيتي تشربي الما بارد ❄ راه يبردلك الطلق.
2)- كثري من التمر 🌴 فيه هرمون l'ocytocine اللي يعاون عضلات الرحم على التمدد و التقلص اثناء الولادة (7 حبات صباح و 7 حبات لعشية) ويلا بغيتي كولي منه قد ما بغيتي و وقت ما بغيتي راه مذكور فالقرآن ✔ هرمون الاوسيتوسين راه موجود فالسيروم اللي غادي يديروهلك كي تجي تولدي en plus التمر غني بالكربوهيدرات و الكالسيوم و الحديد اللي غادي تحتاجيهم قبل و بعد الولادة.
3)- مادابيك كي تنوضي الصباح 🌅 كولي مغرف كبيرة عسل حر 🍯 على الريق و شربي موراها الما راه يعطيك الحيوية و النشاط en plus راه فيه هرمون prostaglandine اللي موجود ايضا في مني الرجل 💏 الغني عن التعريف.
4)- كل ليلة 🌙 قبل ما ترقدي شربي مغرف زيت زيتون متقوليش يععع و دهني بيه مل تحت حاشاك massage du périnée انا كنت نديره في 💉seringue و ندخله فل vagin و ندير protege slip و نرقد 😴 حتى قبل الجماع قولي لراجلك يدهن تاعو بزيت الزيتون غادي يطريلك منطقة العجان اللي يديرو فيها l'épisiotomie ✂
5)- كثري مل التدواش 🛁🚿 بالما السخون mais attention ⚠ تبردي و تحكمك l'infection 😨
6)- ما كاش كيما la marche 🏃 ديري كل يوم نصف ساعة تاع marche rapide تمشي و كثري مل الاستغفار.
7)- ما تتقلقيش و تروحي للسبيطار باش تولدي الا في الحالات التالية:
- طرطقتلك la poche des eaux 💦
- فتي 42 semaines.
- نزل عليك ماء اخضر.
- نزل عليك دم ♨
- حكمك وجع تاع الزيادة و نقصدو بيه هاداك لوجع اللي يتعاود كل 10د اما هاداك اللي يجي و يولي مور ساعة ولا زوج سوايع لالا هاداك غير تمهيد للزيادة ههههه.
8)- باش تفرقي بين لوجع تاع les faux contractions و الوجع تاع les vrais contractions ديري suppo spasphon و دوري بيها و تمشاي الا راحلك لوجع اقعدي بلاستك ويلا زادلك السطر بالاك هاديك الليلة ليلتك 😜
9)- هادوك les astuces de grande-mère 👵 اللي سمعتيهم منا و منهيه خطيك منهم خليهم حتى الدقيقة الاخيرة كي يبدا le vrai travail 😣
10)- الأغذية الغنية بالفيتامين D راح تعاونك بزاف فالزحمة نذكر منها : السردين و الطون 🐟 الشوكولا السوداء 🍫 الحليب و مشتقاته 🍶 البيض 🍳 الفطر 🍄 و كبدة البقري 🐮 >>> الفيتامين D بالتعاون مع الكالسيوم يحفز عمل عضلات الرحم اثناء الولادة (مستحيل وحدة عندها manque تاع فيتامين D تولد طبيعي).
في الأخير ❤💙💚💛💜
رب يسهل لكل وحدة زيادتها 👼 و يعمر حجرها بالذرية الصالحة 👭👬👪 آمييين يا رب 👐
🌟⭐🌟⭐🌟⭐🌟⭐🌟⭐🌟⭐🌟⭐🌟⭐
نجو لنهار الزيادة 😯 le jour J
يليق تعرفي بلي قبل ما يشوف البيبي نور الدنيا 👼 غادي تفوتي ب3 مراحل تع وجع (يا رب اجعلها في ميزان حسناتنا >>> الحمد لله على أوجاع نرث من بعدها أجورا) :
1)- الوجع اللي يتعاود كل 10د :
الحل تاعه هو التنفس السريع : دخلي الهوا بنيفك و خرجيه بفمك بسرعة 😧 غادي تلاحظي بلي يخفافلك بلخف و تبقالك 10 د اخرى ☺ ريحي فيها و من الافضل تمداي على شقك الايسر باش يوصل الاوكسيجين للبيبي و استغفري. après 10 min راه عاود جا كرري نفس العملية غادي تعطشي خلي قرعة ما كبيرة حداك 💧(بالنسبة ليا 10 respirations فوتتلي هاد الوجع).
2)- الوجع اللي يتعاود كل 5د :
هاذ الوجع شوي قاوي على الوجع الاول و باش تفوتيه تنفسي كيما فهمتك و لكن زيدي شوية ف la vitesse 😭 هههه غادي توصلي حتى 20 respirations باش يروحلك و يوليلك بعد 5د.
3)- الوجع اللي يتعاود كل دقيقة :
بدون تعليق "ما يحس بالجمرة غي اللي يعفس عليها" franchement ماكان ني astuce ني position ني recette ني respiration تفوت هاد الوجع... حكمة ربي و خلاص 😢 في هاد المرحلة غادي تقعدي رايحة مولية على sage-femme باش ديرلك toucher و تعرف وين وصلتي (ندعيلك ربي طيحي في بنت لحلال اللي تعاونك و ما تقزيكش).
⭐🌟⭐🌟⭐🌟⭐🌟⭐🌟⭐🌟⭐🌟⭐🌟
وقت الزيادة : كي تكوني a table وياكي تعيطي ولا تبكي ماكاش جايحة و خوافة
طريقة التنفس الصحيحة وقت الزحمة هي كالتالي : عمري les poumons تاعك بالهوا قد ما قديتي بنيفك ماشي بفمك و حبسيه... دروك ادفعي بلفور بلا ما تخرجي لهوا (كلي راكي رايحة ديري كاكا) كي تكملي عاودي تنفسي و دمري بلا ما تريحي 3 زحمات غادي تحطيه انشاء الله ❤❤❤❤❤❤
