#مواقف_مرعب�� (2)
#ملاحظ��: مأخوذ عن قصة حقيقية..
تخيل انت دوامك بالشغل بيخلص ع الساعة 8,30 بس مديرك طلب منك عمل ضروري إضافي لهيك ماخلصت للساعة 11 وانت وطالع من الشغل حاولت تشغل سيارتك بس مو راضية تشتغل وانت تعبان وما الك قوة تروح تاخدها عالميكانيك.. لهيك قررت ترجع عالبيت وتاني يوم بتشوف شو مشكلتها...ووقفت تنطر تكسي بس ولا سيارة كانت توقف لك.. طفشت من الوضع وقررت ترجع مشي، ولان بيتك مو كتير بعيد.. وانت بنص الطريق سمعت صوت ولد عّم يبكي صرت تدور عليه للقيته بأحد الحارات المعتمة قاعد بالزاوية وعم يبكي..سألته حبيبي انت شو عّم تعمل هون؟..بس ما رد عليك...بس طالع من جيبه ورقة مكتوب فيها اسمه وعنوان بيته..فهمت انت انو هالولد ضايع...وقررت توديه لأهله .. ورجعت حاولت تاخد تكسي لان بيت هالولد بعيد عن بيتك..ووقفلك تكسي وطلعت معه ولما وصلت ودقيت عالباب طلع لك أب وأم هالولد وفوراً الولد ركض لعند أمه وابوه صار يتشكرك وأصر انك تدخل تشرب فنجان شاي وتحكيله كيف ووين لقيت الطفل...ولما خلصت وتشكروك وانت طالع ولما وصلت لأسفل العمارة لان هنن ساكنين بالدور الرابع ومافي مصعد ..تذكرت انك نسيت مفاتيحك عندهم وقررت تطلع تطلبهم منهم...ولما وصلت ودقيت عالباب ما ردو ... قويت الدقة لوصل فيك الحال انك تخبط تخبيط فجأة بيطلع شخص من الباب يلي جنبهم وبقلك انت شو عّم تعمل هون وشو بدك من هاد البيت..انت هون بتفهمه السيرة وإنك نسيت مفاتيحك عندهم...بتلاحظ انت انو وجه هالشخص تغير وقلك انا ساكن بالعمارة من 10 سنين وهاد البيت من لما سكنت مهجور وماحدا بيدخله...
شو بتعمل؟؟ ولسى بدك مفاتيحك؟؟؟
