منقول للضحك😂
بعتتني امي جيب من عند جارتنا الفوقانية بصلة
طلعت دقيت عليها الباب مرحبا كيفك قال امي عطيني بصلة لتكمل السلطة
قالتلي تكرمي يلا ثواني
راحت جابت البصلة واجت وانا بدي انزل علدرج سمعت عندا صوت رجال 😱😱لك خالة فدوى مو متجوزة وعلى حد علمي اخواتا الشباب مسافرين وبلعادة بتقلي تفضلي هلمرة ماقالتلي
رجعت تسمعت والله كأنو صوت ابي 😱لك والله هو
حملت حالي وطلعت عالدرج يلي بعدها وضليت ناطرة الرجال يلي بدو يطلع من عندا اذا ابي ولا لاء
المهم ماضليت ناطرة كتير يعني شغلة تلت ساعة ههههههههه طلع الرجال من عندا وانا تسللت وشفت انو ظني بمكانو
بس ابي شو عم يعمل عندا والله بعرف ابي مالو بهالقصص
ماقدرت ضل ساكتة لانو الفضول قتلني
نزلت لعند امي ركيييييد وقلتلا شو شفت عند فدوى وعطيتا البصلة مشان نكمل السلطة
امي صارت نار وشاعلة جواتا وماخلت ستر مغطى على ابي و ستي وجدي
ماضل حدا بعيلة ابي ما وصلتو طرطوشة 🙊🙊
المهم قلتلا اوعك تزعلي طالما انا ورا القصة
قالتلي اوعك هاد ابوكي وهديك السرنوة ما منقدرلا وحدة قوية
قلتلا والله اذا طلع متجوزها لطالعلك ياها من القصة متل النملة المفعوسة بس اعتمدي على الله وبعدا عليي 😎😎😎
بنتي الله يرضا عليكي مابدنا مشاكل لنفهم شو القصة
خلص امي ولايهمك وهوهيك
تاني يوم طلعنا انا وامي بنفس الوقت ونطرنا ابي عنفس الدرج لانو امي مارضيت تعمل شي غير لتتأكد انو ابي
عأساس انا رح كون مخربطة بأبي لانو 😏😏
المهم طلع ابي من عند جارتنا وكان متأخر عشر دقايق عن طلعتو مبارح وهو طالع بيقلا نشالله مايكونو دقولي علمحل
قالتلو لا نشالله مابيكونو دقولك الله يصرف شرهون عنا
وانا سمعت انو الله يصرف شرنا عنهون وصار شكلي هيك 😈😈😈لسى ماشفتي شي من الشر
قالتلو الله معك عيوني
عيونك 😏😏نشالله تنقلع وحدة وتورم التانية قولي امين
نزلنا انا وامي على بيتنا وكانت امي عم تبينلي انو مافيا شي وانا كنت عم قويها وفرجيا انو وراها رجال ههههههه وانو يلي بدها يا رح يصير
المهم قلتلا قومي نطلع لعند فدوى بركي منقدر نزلقها بشي قالتلي لا خلص تركيني نام شوي وبعدين هاد كلو شك لسى ما تأكدنا انو تجوزا
المهم ضلينا تقريبا اسبوع عم نراقب ابي كان يطلع من عنا لعندا عاساس رايح علشغل واذا دقينالو ومالقينا بالمحل بيقلنا كان عم يوصي على بضاعة و بتفقد المستودع
بعد هالاسبوع خلص شفت امي فرطت لا اكلها اكل ولا نومها نوم وحتى سيرة ماعد فتحت معنا
المهم قلت حاج خليني حط حد لابي ولجارتنا
قلتلا امي قومي لبسي طالعين لعند السرنوة قالتلي مين قلتلا فدوى مين غيرها قال شو بدنا نطلع نساوي قلتلا طلعي معي وشوفي شو بدي ساوي
لبسنا وطلعنا بعد ما عرفنا انو ابي صار بلمحل
دقينا عليها الباب فتحتلنا عادي
فتنا اعدنا انا وامي
امي كان بالا مشغول انو شو بدي اعمل
انا نطرت فدوى لتروح لتعمللنا قهوة ورحت اخدت موبايلها وبعتت رسالة منو لابي قلتلو مشان الله تعا لحقني رح يغمى عليي وراسي رح ينفجر ومصاريني عم تتقطع وبعد ما بعتتها حذفتا
والله مافي شغلة عشر دقايق كان ابي عم يدق الباب هههههههه لانو المحل قريب شوي علبيت في كم شارع بيناتتا
دق الباب اجت فدوى بدى تفتح قلتلا لا والله بتضلي مرتاحة يمكن هاد اخي حمودة بيعرفنا عندك
رحت فتحت الباب وصار ابي شكلو هيك 😐😱
قلي انتي شو عم تعملي هون قلتلو عم نشرب قهوة تفضل
ماكان بيقدر يهرب هههههههه
المهم فات علبيت وصار شكل خالتي مرت ابي قصدي فدوى هيك 😱😱😱اي اي اهلين جارنا تفضل
وماما ضلت ساكتة لتشوف شو رح اعمل
قلتلو بابا قال اتجوزتو انت وخالة فدوى
قلي شووو منين جايبة هالحكي بتعرفي ماعندي اغلا منكون اخديلي عقلي
وطبعا فدوى مابتقدر تنطق بحرف
قلتلو ابي شلون مو صح معقول البناية كلا عم تكذب
قلي شو قصدك انا الكذاب ؟،
قلتلو لا بس طلقها
قلي هي مو مرتي كيف بدي طلقها قلتلو بعرف مالا مرتك لهيك ماباثر اذا رميت عليها اليمين
قلي ابي لا مابيصير مالا مرتي شو جنيتي
هون امي قويت وقالتلو مالا مرتك وبدنا ياك تطلقا وطالما مالا مرتك معناتا مابياثر الطلاق كلو عالارض
قلنا لا مابيصير
قالتلو ماما يلا مو متجوزين ما باثر هاليمين حكيه وخلصنا بقا
التفت ابي على فدوى وقلا انتي طالق
قلنالو لااااا بالتلاتة
قلا انتي طالق طالق طالق
ونزلنا واخدنا ابي معنا علبيت
قلتلو والله هالناس بس بدن شغلة يحكو فيها ولي عليهون فكرناك عنجد متجوزها😂😂😂
ابي ضل ماعم يتحاكا وصار معو ازمة عاطفية متل المراهقين 😐
وجارتنا فدوى كل مرة مندقلا تجي تشرب عنا قهوة بتقوم مرة بتقلنا مالي قدرانة ومرة بتقلنا نازلة عالسوق
مالا قدرانة تقلنا انو عم تقضي العدة بعد ما تطلقت 😂😂😂😂😂
وانا امي لبعضيييينا وماحدش يجي عندينا
...😂😂😂😂
بربكن مابستاهل 5تعليقات بستاهل ماهيك 😊😊😊😘
