الوصفة هي عبارة عن :
نشا ، ماء ورد ، ماء ، بعض قطرات ليمون (ما تكتروا خصوصا يللي بشرتهم حساسة )
اخلطي المقادير مع بعض وبالكمية يللي بتحبيها وبعد هيك حطيهم على نار هااااااااااادية بس شوي لحتى يتماسكوا شوييييييييية مو كتير لا تطولي عليهم لانه ازا طولتي رح تجمد كتير وما رح تعرفي تتحكمي بفرد الماسك يعني يا دوب تدفى المي وتتماسك المكونات وتصير متل اللبنة
وبعد هيك افردي الماسك على اي منطقة حاببتيها بجسمك ، وجهك ايدك رجلك اي شي وخليها لحتى تنشف وغسلي عادي ويحبذ لو تغسلي بمي دافية بعدين باردة
بس في شغلة انا جربها قبل الوصفة بس مو على وجهي يعني بالمنطقة الحساسة وهي كالتالي
قبل ما احط هالماسك دهنت المنطقة بزيت زيتون دافي وبعد هيك جبت نص حبة ليمونة وحطيت عليها ملح وفركت المنطقة
بعدين غسلت ونشفت وحطيت الماسك لحتى نشف وغسلته
والنتيجة واااااااااااو ما تتخيلوا مع الاستمرار رح تحصلوا على نتايج فظيعة
وكمان ممكن بعد الوصفة انك تمرري مكعب تلج من ماء الورد يعني تحطي ماء الورد بقالب الثلج وتستخدميه كتير مفيد
انا بستخدمه بعد ما اشيل الحلاوة خاصة المنطقة الحساسة وممكن تستخدميه على الوجه بتمريرات خفيفة بيعطي نضارة للوجه ولون وردي رووووعة
