السلام عليكم بنات انا عضوة جديدة وموضوعي طويل شوية بس يا ريت تستحملوني انا متجوزة من ٩ شهور ومحصلش حمل ومن اول شهور جواز كنت متابعة علشان انظم الدورة والحمد لله انتظمت علي طول ومحصلش حمل رحت لاثنين دكاترة قالولي معندكيش حاجة وعطوني كلوميد اخدت كلوميد لمدت ٥ شهور متفرقة وبعدين من شهر روحت لدكتور تاني وطلب مني تحليل هرمونات وطلب من جوزي تحليل سائل منوي وبردوا عطاني كلوميد ورحتلو بعد الدورة اللي فاتت يعني في ايام التبويض قالي مفيش بويضات نازلة خالص وفي تكيسات شديدة جدا
وقالي قدامك خيارين
اديكي منشطات وابر وهيحصل حمل بس ٧٥ في المئة ينجح و٢٥ في المئة يسقط الحمل
والخيار الثاني اعمل عملية منظار لازالة التكيسات
بس انا عندي اسئلة كتيررررررررر
١_ازاي عندي تكيسات ودورتي منتظمة
٢_ ازاي عندي تكيسات وبيحصلي كل اعراض التبويض
٣_ انا وريت التحليل للصيدلي قالي بس كل الحكاية مشكلة بسيطة في التبويض ونصيحة جربي العلاج قبل العملية
اسفة جدا علي الاطالة لو سمحتم اللي عندوا رد او معلومة حتي لو علي سؤال واحد يفيدني
ربنا يرزقكم الذرية الصالحة يا رب
