السلام عليكم كثير منا له هم وضيقه وتعب وماهو عارف ايش يسوي غير انه يصلي؟ صلاتك ما تتركها لو ايش صلاتك ما تتركها قصتي مع سورة البقره كنت بتعب نفسي ووسواس ما اتمناه حتى لعدوي ابدا المهم اني انام احس اني ماراح اصحى بعدها احرم نفسي من النوم بسبب وسواس واذا نمت فجاءه افز من الكتمه اللي عندي وتعبت اكثر لان اقرب الاشخاص لي وقتها خذلني دخلت بصدمه وتعب وجدتي الله يحفظها دخلت للعنايه فكنت بحاله غير طبيعيه كنت قبل هذا كله اتمنى الموت؟صار عندي وسواس من الموت واخاف منه افكر في اشياء وقسم بالله تشيب الراس افكر في اشياء توجع اوسوس في الدين وافكر واتعمق لين تجيني رجفه ساعه ساعتين لين اهداء وكانو الناس يقولون بيجلس معها سنين طويلة يمكن لين تموت
ماهتميت قويت نفسي عشان اثبت لناس اني بكون بخير وان بعد العسر يسر مهما كان اللي فيك المهم تغيرت على كل الناس بحياتي وصار عندي خمول حاد قوي فصرت انام كثير واصحى اصلي وارجع انام
قريت عن سورة البقره وفضلها وقصص الناس فالحمدلله قلت ببدا فيها بديت فيها وكانت ثقيلة علي صرت اخليها كل يوم 15صفحه وبنية رضاء الله وغفران الذنوب وبنية اني اتشافى ويجبر قلبي بديت اقرا كل يوم 15صفحه اليوم الثالث حسيت براحه
نفسي اقراها ثلاث مرات باليوم مر الاسبوع الاول نص الاسبوع الثاني انجبرت من الانخذال وصرت ما افكر حسيت بغرابه حسيت اني جالسه ارجع للحياه
يوم عن يوم فعلا عرفت اني انجبرت والوسواس اللي كانو يقولون لي الناس ماراح اتشافى منه هذا انا
اثبت اني تشافيت منه وصرت بخير وكل ماتراودني افكار اقول امنت بالله ورسوله واشغل نفسي احمد الله واشكره صارت حياتي نفس قبل واحسن وانا بخير وكتبت هذا كله ولا ابي اتذكره بس عشان الناس اللي تتضايق وتتعب ابي اساعدكم ابي
اعلمكم اني مافيه شي اسمه مستحيل نصيحه لوجه الله لاتتركون البقره نصيحه واتمنى اني افدت كثير ماعرفت كيف اكتب اعذروني وسلامتكم❤️
