تخيلوا حجم جمال الصلاة .. الصلاة اللي بتسيبها عشان مكسل ، عشان عايزة تكلم صاحبك ، عشان عايز تنام .. انت مش عارف انت فرطت ف حاجه جميلة اد أي عشان لو كنت عارف كنت هتستناها ومهتصدق أن الاذان اذن اخيرا .. الصلاة دي عبارة عن انك بتروح تكلم اكتر حد بيحبك ف الكون واكتر حد عايز مصلحتك واكتر حد بيساعدك ف كل وقعه بتقعها ، بيندهلك مش عشان مصلحته خالص سبحانه الغني هو بس عايزك تيجي تفضفضله تحكيله علي كل حاجه هو عايز يساعدك وانت بتطلب منه يساعدك ، عايزك تعرف انك ملكش حد غيره محدش بيحبك قده .. حتي اهلك ، بيقولك متخافش انت مش لوحدك انا معاك ، لما خمس مرات في اليوم تصلي انت مش هتحس انك لوحدك ابدا عشان اي حاجه بتحصلك ف يومك علطول بتتكلم معاه .. جرب تصلي صلاة مظبوطه وانت هتعرف يعني اي راحة يعني اي انك تكون متطمن كده .. مش أداء واجب وكانك واقف تسمع حاجه ومش مركز ف اي حاجه انت بتقولها .. مش وانت مستعجل ومأخر الصلاة ف آخر وقت .. مش وانت بتصلي سمعت رساله جاتلك ف تخلص بسرعه عشان تشوف مين .. مش وانت سايب الصلاة اخر حاجه قبل ما تنزل تروح مشوارك ف تكتشف ف الآخر أن الصلاة ملهاش وقت فتصلي بسرعه جدا .. الصلاة مختلفه عن كل ده تماما .. قرأت قبل كده عن واحد اسمه مسلم بن يسار أنه كان لما يجي يصلي يقول لأهله تكلموا فإني لا أسمعكم .. الصلاة عالم تاني ، عالم مختلف عن الدنيا دي خالص ، انت دلوقتي لما بتشوف حد انت بتحبه جدا وتتكلم معاه بتبقي مش عايز تبطل معاه كلام وعايز تحكيله علي كل حاجه حصلت معاك وهو مش موجود صح ؟ طيب وربنا !!
مش ممكن الشخص اللي انت بتحبه ده يكون مش بيحبك .. مش ممكن يكون بيحسدك .. مش ممكن يكون هيذلك بحاجه انت حكيتهاله ف يوم م الايام ، طب وربنا ")
يستحي من عبده اذا رفعه يده إليه إن يردهما صفرا خائبتين ..ربنا بيقول في الحديث القدسي يا ابن ءادم انا لك محب فبحقي عليك كن لي محبا .. وانت برضه اللي سايب ربنا وسايب الصلاة وانت بطبعك اصلا لازم تحكي ومينفعش تبقي وحيد فبتشوف أي حد تحكيله ووو .. وف الاخر بتتصدم فيه فبتكتئب بقي وانت كان قدامك الحل وانت بإرادتك سايبه !!
سعادتك ف صلااتك .. ف خلي بالك منها شوية ♥♥
لا يوجد أي ردود على هذا الموضوع
