حابة نصلي ومانقطعش حابة طريقة تحببني في الصلاة وش ندير؟؟؟
8☺
باش تبقاي تصلي وداومي على الصلاة و تحبيها.تبعي معايا وسمعي مليح و ركزي:
خاص اولا تكون عندك نية قوية وخالصة.
تشري واحد اللباس شباب وواسع
😀و فولار خارجة معاه .وسجادة خيري لون لي يعجبك
🌺
🌺 .وختاري الوان تفرحك المهم ماشي قوس قزح و لا تكون السجادة مزوقة بزاف لأنو راح يشتتوك الالوان و الزخرفات و مريحاش تخشعي
🌹
زيد تخصي واحد البلاصة فبيتك
🏠(الغرفة نتاعك) تصلي فيها ديما وتكون بعيد على التلفزة و صداع والناس باش مايفتنكش صوت او الازعاج.وتحطي فيها السجادة و القران (المصحف) مع بعض.
💝
زيد تحاولي تفرجي او تسمعي دروس في الدين من شيوخ محبوبين اي واحد محبب اليك.باش يزيد ايمانك ويقوا.وتحمسي للصلاة اكثر.💖💖🌺
حاولي دايما تفكري روحك بالنهار لي رح تموتي فيه ويسقسيك رب العالمين على الصلاة وش رح تقوليلو.😑
كي تحسي بالكسل على الصلاة تفكري عذاب يوم الحساب والقبر واهوال جهنم .باش تخوفي نفسك وتقاومي الكسل نتاعها.😉
حاولي كذلك تمسحي من حياتك الاشياء اللي تشغلك على الصلاة كيما الموسيقى .مسحيها من الهاتف تاعك و تليشارجي القران والاذكار والاذان.😘😘😘😘
تاني الفايسبوك حاولي ماتدخليش بزاف وحذفي المجموعات اللي تديلك الوقت .دخلي للصفحة ديالك صفحات دينية و اكتيفي مشاهدة اولا باش تطلع عندك و تفركرك بالله .😀😀😀😀
حاولي ديما تنسبي الفشل و المشاكل والاشياء اللي معكسة فحياتك للصلاة .يعني ديما عاتبي نفسك قولي :(انا ربي ماسهليش فديك الخدمة باسكو انا مقصرة في حقو منصليش .الله غاضب عليا درك وانا مسلمة عاصية .)وهكذا عتاب وتاديب للنفس☺☺☺
كاينة نقطة اخرى مهمة شي بنات مايحبوش يصلو باش مايخسرشلهم البروشينغ او يخسرلهم المنيكير و صباغة و زواق والماكياج...💄💄💅
هاد لبنات الا حبو يتغلبو على هاد الافكار نعطيهم طريقة وهي :💕💕💕💕
1( البروشينغ:مسح الراس اكيد ربي مافرضوش عن فراغ .يعني اكيد عندو منافع للشعر .الا مسحت شعري اكيد مراحش يخسر او يكشرد ربي ماعمرو فرض علينا شي حاجة تضيعنا .يعني نرجعو نفكرو باللي مسح الراس مفيد لشعرنا و رايح يرطبو لأنو شعر محتاج للماء بقوة السيشوار والشمس و داك المسح اكيد يخليه يلمع وينحي منو الغبرة والتلوث اللي يتعرضلها في نهار.
2(الصباغة: نفس الطريقة نحاول نقاومها بافكار مضادة كيما اللي عملنا مع البروشينغ .صباغة قريت مرة انها مضرة بالصحة تدير خلل هرموني و عقم وسرطان .وكلها مواد كيميائية خطيرة وهاد الشي علاش ربي حرمها. و درك كاين مانيكير الاسلامي لي يتقشر كي تنفحلك حطيه فدار صوري رويحتك و كي يوصل وقت الصلاة قشريه و نوضي تصلي.
3(الماكياج:كلنا نعرفو ان مشاكل البشرة هي من حبوب و بقع وووو علاجها هو غسيل الوجه المستمر .وافضل غسول للوجه هو الماء فتخيلي بشرتك الى غسلتيها اكتر من تلات مرات و منين ياليتي درتي مرطب كفاش رايحة ترجع ويوميا .رايحة ترجع منورة ونقية انشاءالله .
هاد الطريقة تخليكم تغلبو على نفسكم وعلى الشيطان اللي يحاول يوسوس ليكم .ويدخلكم بمداخل الصباغة
خلي البروشينغ و خلي الماكياج يخسر
وديما نقول في نفسي ما يلزمش نفضلش صباغة على الصلاة .واش رايح ينفعني البروشينغ غدوا قدام ربي سبحانو .لا يلزمني نوض درك نصلي
النوافل .الا بغيتي كذلك تواظبي على الصلاة وتبغيها حاولي تكثري من النوافل يعني زوج ركعات مور الظهر وقبل العصر ومور المغرب ومور العشا.
كذلك كي تكوني تصلي حاولي تصلي بهدوء وبشوية و وقت يوسوسلك الشيطان ويقولك نسيتي ما سجدتيش نسيتي ما سلمتيش ..ما ديهاش فيه واستعيذي منو وكملي صلاتك .
كذلك فاش تكملي صلاتك حاولي تجلسي مع رب العالمين و دعي و تخشعي في الدعاء وقولي (اللهم اجعلني مقيمة الصلاة ومن ذريتي)(اللهم اجعل الصلاة قرة عيني) اللهم اعني على الصلاة ) اللهم لا تزغ قلبي بعد اذ هديته) اللهم اني اعوذ بك من العجز والكسل )اللهم حبب الي الصلاة واعني عليها )متلا كي يحضر وقت الصلاة نوضي بلا تفكير توضاي وصلي .ماتبقايش تسمعي للشيطان وهو يقولك (واش يقدرك توضاي فهاد البرد مثلا.) خليك قاعدة خلي العصر حتى للمغرب و صلي )(و لا خلي الغداو وصلي واش فيها)...وهكذا هذا كلو وسوسة حاب الشيطان😈👿 يحبسك على الصلاة☺
نقطة مهمة واخيرة .الصلاة ديما شوفي فيها على انها حاجة راكي ديريها باش تريحك وتفرحك ماشي ديريها باش ترتاحي منها.
و الدين كيما ديما نقول غريزة فطرة .حنا ديما محتاجين لرب العالمين وللصلاة والقران باش نتوازنو و نطمئنو و نرتاحو..
واذا ماصليناش كلي رانا نتمشاو عكس الطبيعة وعكس نفوسنا وعمرنا ما رايحين نفرحوا .
شكرا حبيباتي على حسن المتابعة و نتمنى نكون فدتكم وفدت روحي طاغية صحبتك تقرا 😘😘😘😘 #دعواتكم وسامحوني لكثرة عليكم
