كيكه شكولاطه بيتيه بابسط الادوات

هاااي بناات هاي الكيكه عملتها بليل حتى نفطر بيها الصبح وكانت بتجنن ...واقتصادية كتير...👌
كاستين ونص طحين ابيض...
كاسة حليب ...
ونص كاسة سكر...
ونص كاسة زيت نباتي...
كيس بيكنبودر ...
كيس سكر فانيلا...
بيضتين ...
شكولاطة ..."للزينة"...
ومسحوق الشوكولاطته...
اهم شي الكاسة تكون بحجم واحد ...اول شي بنحط البيض والسكر والزيت بالزبدية وبنخلطهم لحد ما يتجانسو وتاني شي بنحط الحليب وطبعا لازم يكون دافئ وبنخلطهم ومنضيف الطحين شوي شوي لحد ما يتجانس وبنخلطهم وعلى حسب نوع الطحين وبعدها منضيف مسحوق الشوكولاطته وبنخلطهم وبعدها البيكنبودر وبنخلط الخليط على شكل دائري...
بندهن الصنيه زيت نباتي وبنرشها بطحين وبعدها بنسكب الخليط وبدخلي الفرن على نار هادئه ...واذا بدك تعرفي انو استوى غزي السكين بنص القالب اذا طلع نظيف معناها استوى اذا طلع عليه شوية من الخليط معناها بعدو بدو شوية وقت .بعد ما يطلع مندهن القالب بشكولاطه او بكريمه ...وصحا وهنا عليكم...