مرحبا صبايا رح احكيلكم كيف حملت بعد تلت سنين وبعد ما فقدت الامل 🙃
انا تزوجت صغيرة كان عمري 16 سنة وضلت سنة بالاول ما حملت هون قررت رح عند دكتورة ووقتها عطتني منشطات حمل بس عالفاضي وهون بلشت روحاتنا وجياتنا على الداكاترة انا و زوجي عملنا تحاليل وكلشي بس ما طلع شي مع زوجي مع ذلك الدكتور عطاه فيتامينات وهيك وانا كل ما اروح عند الدكتورة تعطيني منشطات حمل وابر تفجيرر طبعا كل هاد عالفاضي ما يصير حمل ابدا انا كنت مفكرة انو معي ضعف بالتبويض من الدوة والابر وآخر مرة رحت فيها عند الدكتورة سألتها هل معي ضعف بالمبايض قالتلي لا فهمت منها انو عم تعطيني منشطات مشان يزيد فرص الحمل طبعاً رح تقولولي ليش ما سألتيها من الاول اوكي هي الدكتورة تركية وانا ما كتير بعرف تركي مشان هيك المهم وقتها قلت خلص هي اخر مرة رح روح فيها عند الدكتورة اذا الله طعمني وحملت الحمدلله واذا لا ربي بكون ختارلي الخير وهون كان صايرلي تقريبا سنتين ونص متزوجة وفعلاً ما رجعت رحت على الدكتورة ومع الأسف اجت الدورة وحطمت احلامي مرة تانية يأست وخلص قلت مستحيل احمل واصير ام صار عندي حلم اني كون أم بيوم من الايام 😩 وكل شهر تجي فيه الدورة ابكي كتير واذا تأخرت يوم اصير ابني احلام واني حامل بس يخيب ظني بعدين. ..
بعد تقريبا خمس شهور من اخر مرة رحت فيها عند الدكتورة غابت الدورة يوم ويومين وتلاتة قلت لزوجي بدي جيب تحليل مشان اتأكد اذا في حمل قلي ما بدي اجبلك لانو بعرفك بيطلع سلبي وبعدين بتصيري بتبكي قلي بس يصرلك عشر تيام غايبة منروح عند الدكتورة وفعلاً ما اجت وكان يوم جمعة كان احلا يوم بعمري 😍😍 رحت عند الدكتورة وانا عم استنا دوري ومعي زوجي قلتلو هلا كالعادة بتفحصني بالسونار ما ببين شي بتقلي روحي عملي تحليل بعدين بتعطيني دوة لتنزل الدورة واقلو ما تجبلي الدوة لانو في عندي بالبيت هههههه وكاني كنت متأكدة انو مالي حامل 😅
فتت عند الدكتورة وفحصتني بالسونار على بطني صارت تقول هأة هأة يعني لا ههههه وتمشي على بطني ثانية ولا بتقول دقيقه ولله في بالتركي طبعا 😅😅 وانا ما سدقت اقلها في تقلي اي 😭 وقعدت تحكي معي وانا ماسكة دموعي طلعت عند زوجي وبأيدي صورة السونار وهو قلي شو ما طلعتي حامل وانا اقلو لا اي هههه وابكي ودموعي شلال😭😂 وهو ما عرفان شو عم يصير معي وبتطلع الدكتورة وبتقلو اي حامل وجوزي حرفيا مسك دموعو لرجعنا ع البيت وحضنا بعض وصرنا نبكي سوا من الفرحة 😅😅 ومع العلم يا جماعة ما كنت حاسة بأي أعراض حمل بالعكس كنت حاسة انو شوي والتانية رح تجي الدورة والحمد لله الله طعمني بنوتة قمر وسميتها صفا وهلا صار عمرا سنة تلت شهور ربي يطعم كل مشتهي الذرية الصالحة نصيحة لكل وحدة تأخرت بالحمل خلي املك ب الله كبير وما تفقدي الأمل لو شو ما صار وكل تأخيرة فيها خيرة بأذن الله...❤️❤️
اسفة لو طولت عليكم 🤗
