مختصرة كتير لان هلق بيجي جوزي
انا من سوريا هلق عمري ٢٢
بابا متزوج ٢ امي الاولى طبعا بابا تزوج ع امي بحجة انو بدو ولاد انا كان عمري سنتين وعيت ع دنيا وعنا خالة مرت اب ههي ياريتها بس ضرة طلعت بنت حرام استغفر لله اخذها بابا متزوجة وعندها خمس شباب ومطلقة لانها عشقت شب قد ولادها
المهم امي كانت قبل عايشة مع بابا بالايجار من ضيعة لا ضيعة بضيع حمص بعدين طلعلنا بيت ملك بحماة
وهو انتقلنا عالبيت الملك من هون وبابا جاب عروس جديدة عالبيت من هون
امي حردت لعند اهلها عشام
اخدتني معها بس ستي وجدي قلعوني لعند بيت جدي اهل بابا وانا ع حسب ماقالتلي امي ضلينا تلت شهور حردانة وبابا مارضي يرجعها قال متل ماحردت هيي بترجع وانا عند ستي قلبت ع نصي ومرضت ووقعت ع راسي نكسر وامي تبكي بدها تشوفني
وتركت بحماة اخواتي صغار اكبر شي سبع سنين وخالتي مرت ابي تحكمت بالبيت وباخواتي وغيرت غراض لبيت كان بيتنا اربع غرف اخدت غرفتين وضللنا غرفتين طبعا اخدت الغرف الكبيرة والشرحة يلي ع بتطل ع شمس وع نهر العاصي ازا حدا سمعان فيه
