قصة عنتر وعبلة عطريقة الحمصية
سمعو ياسادة ياكرام ❤❤
لما طلب عنترة ايد عبلة من أبوها
طلب منو عمه أبو عبلة مهر لعبلة
(سحارة عنب زيني )
ومتل ما بتعرفوا بالصحرا عنب زيني مافي.
جاب عنترة البلاد وشاف العباد وسأل الناس الكرام حتى وصل بلاد الشام وسأل
وقالوا له مالك غير حمص
أرض الخيرات والعنب والسلام
ولما دخل حمص
ترجل عن جواده
وقال بيت شعر مفاده:
أنا الذي قطع الصحارى في الليالي
لا تأخذني لومة لائم ولا أبالي
جئتك يـا حمص والشوق يسبقني
وفي أرضك يا حمص سأحط رحالي.
وبعد ان استقبله أهل حمص السادة ا لكرام
قالوا له:
اطلب وتمنى طلبك عنا
قلن:
بدي سحارة عنب زيني مهر لعبلة ..
قالولوا:
منضيفك عنا تلات ليالي
وبعدن طلبك مجاب يا غالي
وأول يوم
الصبحية: حضروا له فطور فتة بالسمنة العربية
وعالغدا: رز وشاكرية,,
والعشا: قلوا له 4 بيضات باللحمة واللية.
قام أخونا عنترة
عجبته العيشة الهنية
ونسي الصحرا والبرية
وتعلق أبو الفوارس بحمص وكرم أهلها
ونثر قصيدة مطلعها:
يا ااا عبلُه على حبك سامحيني
ففي حمص ضالتي وحنيني
قد كنتُ أخطأت في حبك مرة
وقد أحببت عليك حمص فاعذريني.
وتجوز من فتحية اللي أهلها أشاوس
وهيك خلصت سيرة أبو الفوارس.
وترك عبلة عم تستنى (( سحارة العنب )) ..
وقال بلا عبلة وبلا بطيخ
ونزل بالمكدوس طاخ وطيخ
ولما داق الشيش برك
ارتخت مفاصله وبأرضه برك
هذه النسخة الأصلية لقصة عنترة
موجود بحمص
وبس
وسلامتكم😂😂
