قصة تجربة فتاة للحمل والولاده

السلام عليكم 💕 انا حابه اشارككم لحظات حملي وولادتي .. انا حملت بعد زواجي ب ٤ شهور طبعا ماتوقعت اكون حامل خصوصا بهذاك الشهر كنت احس بالم دوره واخذت بروفين وتاخرت علي وحللت بالبيت وطلع موجب وعلمت زوجي وطيران ع المستشفى وطلع حمل ضعيف بس تاكدت اني حامل وقتها ومرت الثلاث الشهور الاولى بالم مثل الم الدوره مو عارفه انام او حتى امارس حياتي بشكل طبيعي ومرت الشهور واوصل لشهر الثامن ويجيني طلق شفت الموت وقتها واروح المستشفى ويطلع عندي ولاده مبكره واعطوني مثبتات انا كنت رافضه فكره اني اولد طبيعي من كثر ماسمعت من القصص طبعا ارتحت شهر الثامن كله ماكنت اقوم من السرير وكمان الجماع ممنوع ثالث يوم بالتاسع رحت عند اهلي عندهم مناسبه و بديت احس بالم طلق من عصر وزاد الالم الساعه ١١ مسحت الميك اب واتصل بزوجي ونروح المستشفى ويدخلوني تنويم ويوقع زوجي العمليه وقرروا العمليه الصباح طبعا دخل عندي دكتور ويجلس يمزح معي ويستخف وانا همي العمليه ولا عرفت انام ويجي الصباح ويدخلوني غرفة العمليات الساعه ١١ الصبح واجلس ابكي من الخوف من العمليه واخاف اموت ويبدأ معي الخيال الواسع المهم دخلت وبدؤا البنج وخلصوا العمليه وفجأة طراق على وجهي وينادون اسمي ويقولون افتحي فمك فتحت فمي وحسيت بالالم في الرئيتين وشفطوا كل البنج من رائيتي الم عجييييب صحيت واشوف قميص المستشفى كله دم والله كله ينعصر شكله يخوف والم فضيع ببطني وتقول لي ممرضه فلبينيه الله لا يسامحها قومي اجلسي ع السرير الثاني وانا مااقدر اتحرك وابي الحمام مو مركبين لي قسطره وكل همي الحمام بموت ابي الحمام وكلهم يطنشوني وعشان اخلص قمت وانا مااقدر اتنفس من شده الالم كاني مطعونه واتحرك ع السرير الثاني واسال عن بنتي ويطنشوني واطلب امي ويطلعوني لغرفتي واشوف امي واحضنها واهمس مو قادره اتكلم ساعديني ابروح الحمام ومشيت للحمام بدون مسكن ورحت وارتحت بعدين طلبت بمسكن وراح الالم الحمدلله ويجي زوجي يقول بنتنا جميييله وانا بخاطري الله يقلعكم موتوني واعطوني بنتي ولا شليتها لاني مو قادره اجلس بس متسطحه وبنتي بحضن امي وانا بعالم ثاني اهلوس ويوم كامل ماشليت بنتي ولا حضنتها بعدين تقبلتها اليوم الثاني وبديت احس بالامومه عن جد لما اسمعها تبكي اااه ي قلبي شعور جميل 💕 وبس والحين عمر بنتي سنتين وتوبت من الحمل والولاده وبنتي تكفيني انا وزوجي وسلامتكم 💗 .