السلام عليكِن .. كيف أصبحتن ؟!
سألت إنسانة بتشتغل بمختبر وقالت لي هالمعلومة فحبيت أنقلها .....
نعم كما قرأتي ممكن انه نفحص دم بتست البول اللي منحط فيه نقاط بول لبيان الحمل بإذن الله اذا عملناه بطريقة صح ...
بالمختبر كيف بفحصوا بالدم ؟!
بياخدو عينة دم منكِ وبعدها بحطوها بجهاز فصل الدم عن المادة الصفراء اللي هي البلازما ... وبعدها بحطو نقاط من البلازما ع تست الحمل (اللي هو نفسه تست البول) واذا ظهر خط لو باهت يعني حمل.
احنا بالبيت كيف نعمله؟
الشي سهل منسحب دم (للقلوب القوية) و منتركه لمدة ساعة على طنب بدون ما نعمل أي اهتزاز بالوعاء ويفضل يكون أنبوب طويل وبعد الساعة منشوف انه الدم انفصل عن المادة الصفراء فمناخد حقنة ومنسحب جزء المادة الصفراء ونضع 3 نقاط على تست البول المنزلي ومنلاحظ بعد ربع او 10 دقائق النتيجة 😄
انا ما جربت بصراحة بس هاي طريقة المختبر.
