عايزة نصايحكم ضروري ومساعدتكم

ياجماعة انا منفصلة وعندي طفلين واتقرب مني شخص مطلق معندوش اولاد وفضل ورايا لحد ماقربتله وحبيته وتعلقت بيه جدا لاني كنت خارجه من تجربه زواج سيئة جدا . وعدني كتير جدا أنه معايا وهيفضل جمبي ونكمل حياتنا مع بعض . فجاه وبدون اي مقدمات قالي انا من حقي أعيش حياة طبيعيه من غير طفلين وأبدأ مع حد في نفس ظروفي وأنه موعدنيش بحاجه و مغصبنيش اني احبه سمعت كلام وحش ووجعني اوي اوي ولا اكنه كان نفس الشخص اللي اعرفه . بعدها بيومين شفته مع وحده في نفس المكان اللي كنا بنتقابل فيه فكرت ادخل وابينله نفسي بس اترددت ومشيت . انا فعلا مصدومه ومش عارفه اعمل ايه . تنصحوني بايه