ودي أفضفض وأطلع اللي بقلبي لأني حاسة بضيق ما يعلم فيه إلا الله. أنا عمري 20 سنة، وأمر بفترة أحس فيها إني وحيدة وعالقة في مكاني. زواجي والمسؤولية اللي جاتني بدري، مع ظروفنا المادية الصعبة، خلتني أحس إن الدنيا مقفلة بوجهي.
أتضايق لما أشوف اللي حولي يسافرون ويروحون ويجون ويلبسون ماركات، وأنا حتى الطلعة العادية في الرياض أحسها صعبة بسبب الزحمة والمادة، وحتى السفر برا صار حلم بعيد. مو حسد والله، بس قهر على نفسي وعلى حالي.. أحس إني انحرمت من أشياء كثيرة نفسي فيها، لدرجة صرت أحس السعودية كلها ما تسوى بعيني لأني ماني قادرة أستمتع بشيء.
فوق هذا كله، أعاني من رهاب اجتماعي، ما أعرف أتكلم ولا أفتح مواضيع مع الناس، وهذا يخليني أنعزل أكثر وأحس إني أقل من غيري. المشاكل في بيتي مع زوجي زادت الضغط عليّ، وصرت بس أبغى أنحاش من هذا الواقع بس ما أدري وين أروح. أحس بكسرة خاطر وأنا أشوف غيري مرتاح ومبسوط وأنا أيامي كلها تشبه بعضها وتعبت نفسياً من هالحالة
