السلام عليكم ورحمة الله و وبركاته ... بنات انا بنت عمري ٢٠ سنه بحب اتواصل مع الأشخاص الي يتكلمون بالاجنبي ، يوم من الايام تعرفت على شخص باكستاني فالصدفه عن طريق جامعتي اساعده ببحث انا عايشه بالأردن وهوف الباکستان وتكلمنا وساعدته بدا هو يساعدني كمان قلت كويس يتكلم انجليزي اكون صاحبه معو ولكن علاقتي معو اتطورت صرنا ٢٤ ساعه نتكلم وما اخبي عليكم لو تقولو عني غلطانه اعرف هالشي بس بدي مساعدتكم حبيتو وهو حبني وتكلمت مع اهلو ومشيت علاقتنا صار الوضع جد وهو صار بدو يجي على الأردن مع اهلو يطلبني من اهلي ... اهلي لسا ما يعرفو عن الموضوع وخايفه أخبرهم ما يقبلون انو مش عربي بس هو مسلم متمسك بدينا اكثر من العرب وعندو اخلاق کویسه ... وانا كان عندي اهم شي دینو وتعاملو مع اهلو وانا مرتاحه وما تندمت على اي وقت لان كنت اشوف شخص يكبرني بالاحترام وع الدين وضل متمسك فيي . اول فترة حسيتقر في الأردن يشتغل هون ( طب عام ) وبعدها يستقر في الباكستان . انا هون مو عارفه شو اسوي بعرف حكيت كثر وتفاصيل بس علشان بدي حد يفهمني ويحكيلي شو اعمل بهيك موقف او انو كيف احكي لأهلي وما يرفضو وما بحكيلكم وضعو كثير كويس هو وضعو الحمدلله تمام ما عمري فكرت على الوضع لانو مو هو اساس الراحه بس الوضع هسا اختلف ع بعد اهلي او القرب منو ... والوضع هون بختلف بالأردن بالوضع والعيشة وهو يقرأ عربي بس ما يفهم عربي وهاد ما عمري فكرت فيه لانو بنفهم مع بعض بلغة الانجليزيه تلخيص ( شو اساوي بهاي الحالة و كيف اقنع اهلي ) اسفه طولت بس الي فهمتني تقولي شو اساوي ما بعرف اعبر بس ي ريت الي فهمت تجاوبني
