بنات احتاج مساعدتكم ونصيحتكم لاني حيل متضايجه وما اعرف شو ممكن اعمل وكيف ممكن اتصرف..
لما كنت حامل بولدي اجاء زوجي متأخر سهران مع صحابه ولما كان يتكلم معي تطلع من فمه ريحة كريهه وعيونه لونهم احمر وبججد بيغمى علي من الريحه سألته كان يقول شرب مشروب طاقه انا ما صدقت بس حاول يقنعني وطوفت .. المهم مرت سنة ما شميت منه هالريحة.. وقبل كم يوم كان طالع مع صحابه بس مو لوقت متأخر يعني رجع بكير.. المهم عليه نفس الريحه كررررريهه وعيونه حمر .. المهم وقفت وقلت له ايش شارب؟ كان يقول مشروب طاقة وقلت له اوكي بدي اشرب من هالمشروب بكرة بتجيب لي واحد كمان قال موافق ونمت وقلبي مو مطمن.. اليوم التاني اجاء معه مشروب الطاقة وجربته بس ما عليه ريحه ابدا وقلت له اشربه كله الحين وشربه وما طلع منه ريحه ابد.. اهنا انا زاد شكي وجلست اضغط عليه يخبرني وقلت له اذا عندك مشكله انا بوقف بصفك وبساعدك.. والصدمه اعترفلي انه يشرب يشششرب مع اصحابه الله ياخذهم واتضايقت حيل ما عارفه شلون اتصرف.. وهو وقف جنبي واعترف بخطأه وانه يمر بضغط نفسي وبيترك الشرب وانه محتاج اصبر عليه فترة.. وما تركني ابدا ومرضت كثييير ونفسيتي تعبانه.. المهم مر يوم بس الا يجيني يخبرني ممكن اطلع مع صحابي وممكن اشرب.. بعدها لما شاف اني ساكته من الصدمه قال بطلت اروح انا مالي غيرك.. بعد شوي يجيني ويقول ربعي ملزمين علي الا اجي معهم وطلع😔
خبرتكم القصة لان افكاري متلخبطه ما عارفه كيف اتصرف.. المصيبه تزوجنا عن حب دام 5 سنوات ولا مرة حسيت ولا شكيت.. ايش اسوي!! ساعدوني
