بناء على كتير مواضيع شفتا هون وبرا الموضوع يعني كمان بالحياة الواقعية سمعتا وناس قراب عاشو نفس الموضوع ونفس الوجع انا قررت اعطي بوش او امل لكل وحدة عم بتحس بجرح وعدم تقبل داتها بس لأنو في عندا بالبيت ضبع خانها او بيعاملها بسخافة او مابيهتم بمشاعرها .
حبيبتي اول شي لمن تهتمي بجسمك او شكلك او حتى تقافتك ودينك وروحك اللي جواكي هاي مش مشانو هوا أبداااااا خديها قاعدة الرجل موجود او مش موجود بحياتي انا حلوى هيك قولي بصوت عالي انتي دكية ومتقفة قيمتك انتي اللي رح تعطيها لحالك مش هوا اللي رح يهديكي ياها .
وحتى لو دخلتي ع تلفوناتو وطلع واحد بلا زوء بيخون ضلي اضحكي بالعكس هيدا رح يخليكي اقوى لانو بيعمل شي من وراكي معناتو خايف منك وانتي اللي اقوى .
وادا شفتيه مابقلك بحبك ومابيتغزل فيكي؟ فشر حبيبتي عنو ماتغزل اطلعي ع حالك واتغزلي فيها اصلا بيكفي انك عربية عيونك كبار وسود كل الارض تتهز لمن تطلعي بنظرة .
ادا قلك هيدا مش لابقلك او نصحانه بس مشان ينزل من قيمتك قليلو لو يجي هلا جورج كلوني بقلي انتي بشعة مابصدق هلقد انا عندي ثقة
اطلعي عليه ونرفزيه خليه يعرف انه تقتك مابتنهز ولو رجال العالم كله وقفه ضدك حتى يهدوكي مارح يقدرو 💪.
حطي ميكاب البسي اللي بدك ياه روحي شوفي اهلك واطلعي طلعات واعملي من ولا شي اشي كتير كبير ، ادا خلا امو واخواتو يقهروكي ولا تزعلي حالك لمن يحكوكي حكي سم افاعي رديه حبيبتي بس بسم عقرب مافي عندو دوا بس بالضحك وانتي مبسوطة ع الاخر .
مافي شي بيخليكي تبكي او تعصبي حالك الدنيا ع السريع رايحة والعمر مارح لحقو !!
خديني متال لمن بيسرخ زوجي وبيعصب بطلع لساني متل الاطفال وبيطلع كتير منيح وبيسكت وبيقعد يضحك علي وعلى حالو .
اتصرفي متل الاطفال ببراءتهم وعدم معرفتهم للحياة 🙋 خليكي صغيرة وحلوى ومتقفة فعينك قبل عيون الناس 😘
واعطيه شوية سم من انوتك ودلعك انتريهم فالبيت لمن يكون حابب يدلك وانتي راسك مرفوعة ومابتلعي لوراكي وعم تحلوي كلما عم يكون هوا احقر ؛ يعني بالمختصر خليكي الممنوع المرغوب اللي قدامو بس مابيقدر عليه .
