زواج بدون قناعه ثم طلاق ثم ...

السلام عليكم انا انخطبت لولد عمي لمدة سنتين وملكت قبل الزواج وتزوجت ماكنت مقتنعه فيه مو من مستواي نهائياً لاشهاده ولا ثقافه ولا حتى متعلم واهله مو من مستوى عايلتي بس هو خطبني ووافقت لان كل صديقاتي كانوا مخطوبات وحبيت اكمل الصفه احساس اني اكون مثلهم ومو اقل منهم المهم تزوجت ولافيه اي قبول زواجي تكلفت فيه كثير كان خرافي بس من اول ماجلست معه حسيته حاسس بالنقص كثير وكنت استغرب من بعض تصرفاته ومو ذنبه لاني انا الي وافقت عليه جلست معه ثلاث اسابيع كاننا اصدقاء سافرنا ورحتا وتمشينا وكل واحد ينام بغرفه اكتشفت اشياء بهالثلاث اسابيع رجعت من السفر لبيت اهلي وقلت ماابيه ولا ابي اظلمه معي ووقف الجميع في وجهي اهلي وصديقاتي وعايلتنا والي يعرفونا والي حتى مايقربون لنا حطو كل العيب فيني وانا ماقدرت اتقبله والا اعيش معه نهائياً تعرضت لابشع التصرفات من اهلي امي وابوي لدرجه ان ابوي يبي يزوجه اختي الي اصغر مني وهو الله يستر عليه يعني مو هذاك الرجال الي يتحسفون عليه اخوي يجي يلطشني ويروح كل احد يشوفني يرمي كلام وانا ماابيه كل هم ابوي المهر والخساير وعشت في البيت كلن يسب ويلعن فيني حلمت بااحلام وحسيت اني ماراح ارجع له المهم تركني عند اهلي شهرين ورجعت معه يوم لاني ابي اخذ اغراضي اخذته ولاول مره قلت له انا ماابيك ولا اتخيلك زوج لي وابي اتطلق وهو كان الي عادي وقدام اهلي يقول انا احبها وابيها جلست تسع شهور عند اهلي وبعدها تطلقت ولاكتبوا في الصك اني بكر ولا كتبوا انه خلع مع ان ابوي رجع له المهر خافوا يخربون عليه ولاخافوا عليه وعلى مستقبلي وبعد طلاقي تعرضت لاشين معامله من اهلي امي بذات وابوي يقول من بيتزوجك يعني فوق اني تطلقت اهلي حقدوا عليه وحتى من الناس وقرابتي وكنت ادعي ربي يعوضني بزوج يعزني ويرزني واقهر كل من تعرض لي وبعدها بسنه ونص تزوجت بزوج ملاء عيني وقلبي له منصب ومركز ومال عيشني ملكه وتبدلت حياتي ابي اقول لكل مطلقه لاتنهارين ولا تتعبين ولاتسمعين لكلام الي حولك وتقولين بتطلق من بيتزوجني افرشي سجادتك وادعي ربي وانطلقي في الحياه الطلاق نهايه لشي وبيكون بدايه لحياه افضل واجمل باأذن الله .