ومن يدخل للبيت ينفضنا نفض
من يوم نسمع صوت سيارته وانا وعيالي ماخذين وضعية الاستعداد .
اللي في يده جوال يخبيه اللي في يده ايباد يرميه 😐
اللي بجمبه كتاب يجلس يقراء فيه😐
واللي ماحوله شي يقعد يستغفر ويسبح 😐
مانبيه يهاوش ومع ذلك الا يّطلع سبب ينفضنا عشانه
وجا ذاك اليوم اللي رحنا فيه للسوق وحنا راجعين قلت لزوجي نبغى خبز ولبن 😐
ويجي زوجي بيوقف السياره قدام البقاله الا وتجي سياره من ورانا وتسبقنا وتلبق في مكاننا 😐
وزوجي يعصب
وينزل يخبط شنطة السياره ويقول اطلع من موقفي ياكلب
وينزل منها شاب ويعتذر منه ويقوله معليش بطلع حسبتك ماراح تدخل
وزوجي ينافخ ويزبد ويرعد ويقصف ويسبسب بابشع السباب
ويقول :معليش غلطان وبطلع.
وزوجي مكمل منافخ
وتلاسنوا وتهاوشوا وزوجي يبي يضارب والرجال يتعوذ من شره و يقول له : يارجال كفى الله المومنين شر القتال
وزوجي مكمل سب وشتم اخر شي قام ابو عيالي و مد يده عليه
وقام الرجال بهدوء شال زوجي وكبه في الزباله 😧😧😦😬😟😐
وركب موتره ومشى وزوجي يقوم يطل عليه من جوا الزباله الكبيره اللي بجمب المحل ويهاوش ويسوي حركات ويتفل ومكمل سب 😐
وانا امسك راسي واغمض عيوني 🙈
وينط من برميل الزباله الكبير ويركب الموتر ونروح للبيت ماشترينا الخبز واللبن( كلن على همه سرى، وانا على همي سريت)
والحمد لله من ذاك اليوم ماعاد نفخ علينا وفقدنا صياحه
وصار زوج محترم
تهقون ليش؟!
عشان مااعايره بذاك الموقف
ومن هذا المنبر احب اشكر الاخ اللي رماه واقوله الله يجزاك خير ، انت غيرت بحركه تستغرق دقيقه اللي ماقدرت اغيره في زوجي في١٦ سنه
#رب_ضار��_نافعه😂😂😂😂😂
🌹أسعد الله أوقاتكم بكل خير 🌹
