حاامووووووووووت هههههههههههههههههه
انا لسه والده وبعد ما خلصت الاربعين فكرت اعوض جوزي عن الشوق والحنين
روحت اشتريت ديكورات وشموع وحركات على اساس اعمل جو ليله حمراء! قعدت افكر ازاى اعمل ليله حلوه و حركه جديده!! دخلت على النت لقيت عرض جديد عن الالعاب الزوجيه فطلبت العرض اون لاين قفص كبييييييير واتزوقت على سنجة عشره ولبست قميص نوم بريشه آخر شهيصه والمكيب ولا العروسه فى ليلة الدخله وبقيت فله شمعه منوره رضعت النونو ونيمته فى غرفة الأطفال
واتصلت بجوزي وقلتله:- لما تخلص قعدتك مع اصحابك عرفنى وأنت راجع فى الطريق
المهم شويه واتصل بيا وقالي انا فى الطريق
قومت بسرعة ، ودخلت القفص وقفلت ع نفسي ورميت المفتاح بره القفص ! تتوقعوا ليييييييييييييه؟! انا هقولكم ليه !!؟
عشان أول مايدخل اقوله .. انا السجينه وانت الفارس الى هتنقذنى واحسسه أنه بطل وفارس احلامي المهم رميت المفتاح وقعدت استنا عنتر ابن شداد !
واستنا واستنا والراجل مجاش والنونو صحى وفضل يعيط
وانا مش عارفه اطلع من القفص قافله ع نفسي:|
ههههههههههههههههههههههههه
وتأخر الزوج والبيبي اتفرم من العياط ..
وبعد شويه حماتي إلى ساكنه فى نفس البيت في الدور الأرضي تسمع الولد بيصوت وفضلت تنادي عليا وانا مش عارفه ارد حماتي قلقت وطلعت فتحت الشقة ودخلت عليا الاوضه ولقيتني جوه القفص . حماتي قالتلي وهي مصدومه من المنظر : ايه الى انتى عملاه فى نفسك ده يا هبله ؟ انا موت من الاحراج ، وانا لابسه قميص النوم إللي به ريش وفى القفص ..
ههههههههه
قولتلها :- اتخيلت نفسي فرخه ومستنيه الديك 😁.. :حماتي بصتلي بقرف وقالت : ربنا يشفيكى من الهبل الى فيه انتى والديك الى قاعده تستنيه فى القفص
انزلي ديكك نايم على الكنبه تحت بيشخر
وسكتي الكتكوت الي بيكاكى يا فرخه
منقووووول
