** آهات مبعثرة **
##########
الجزء الأول 1⃣
##########
# واكتشفت مؤخرا ي امي اني وحييده في غمرة حزني وفرحي ويأسي وفوضاي وحيده في دنيا مليئه بالألم # ....
يوم الجمعه ^^
::: تستيقظ على صوت مرت عمها الخشن :::
حصه بصراخ وهي تدخل الغرفه : لجين لجين قومي .. وجععععع
لجين : اوووف .. ليه وش صاير
حصه بعصبيه : ولك وجه تصارخي بعد ... يلاااا العيال تاخروا عن العزيمه قومي غيري هدومهم ..
لجين بإرهاااق : انزين انزين كاني قمت ..
حصه وهي طالعه من الغرفه : قطيييعه على بنت .. انا ماادري شلون متحملتها عندي
لجين وهي تنزل من السرير وقفت وصرخت وقعدت ع السرير وهي تتوووجع **
لجين وهي ماسكه ظهرها : ااااااه الله لايسامحك ياعمي .. ذبحتننني .. ( وبدأت تبكي بصمت )
شافت ساعتها وكانت 10:00 نشت ودخلت الحمام وغسلت وجهها وهي تتالم ..
طالعت المنظرة وشافت الخدوش والكدمات على وجهها
........ : ويينك يمه ؟ وينك يبه ؟ اااااه ياربي ..
خرجت وبدلت ثيابها ولبست بنطلون سكيني أزرق وبلوزة بيضاء ولفت شعرها بطريقه عشوائيه ونزلت عند عمها ومرت عمها ....
حصه : واخييرا شرفتي ..
لجين وملامحها جااااامده : ............
حصه : خير ليش تطالعيني جذيه كأني ذبحت حد من هلك .. اقول يلا روحي شوفي شهد ولؤي وغيري هدومهم
لجين هزت راسها ودخلت الغرفه ^^
شهد وهي تركض وتضم لجين : لولو
لجين بإبتسامه : هلا شهوده حبيبتي .. يلا تعالي أروشك واغير ملابسك وتصيري أمورة
شهد وهي تهز راسها : بتجي معانا ..
لجين : لا مايصير حبيبتي انتي بتروحين بيت خالتك وانا مايقربوا لي ..
لؤي وهو يبكي : لجين وين البلوزة ..
لجين : لحظه حبيبي اخلص اجهز شهد وبعدين دورك ...
لؤي :انزين متى بنروح
لجين : ماادري بس سمعت أمك تقول الساعه 12 الظهر
لؤي : ماعليه لولو اوعدك اني باارجع بسرعه ومااتركك هني وحدك
لجين بإبتسامه مصطنعه : لااا استانسوا وانبسطوا وانا بااراجع دروسي وانام اذا مليت ..
لؤي وهو يضمها : انا احبك لجين واكرة ابوي لما يطقك عشان الدراسه
لجين حست بضييق بس مابينت : ماعليه حبيبي وبعدين هذا ابووك لاتقول عنه هالكلام ..
يلا نخلص بسرعه بعدين امك بتعصب علينا
)) تعريييف بالعائله الكريمه (( خخخخ
بطلتنا لجين : بنت مملووحه وعندها 18 سنه وهي الحين تدرس ثالث ثانوي ملامحها جذاااابه حييل عيونها وساع وكأنها مكحله وبشرتها بيضااء صافيه وعندها غمازة وحده ع اليسار وجسمها متناسق وشعرها اسووود زي سواد الليل لين نص ظهرها ...
امها وابوها واخوها ياسر توفوا بحادث سيارة وبعدين سكنت عند عمها الخبيث اللي مايعرف ربه .. وعمها اتصرف بأملاكها وباع بيت ابوها غصبا بعد التوكيل ...
يعاملها بقسوووة ويطقها كل ماذكرت امامه سيرة الجامعه وانها تبي تكمل دراستها ...
عمها / جابر انسان عدييم الرحمه وخبيث وقاااسي
بس يحب مرته وعياله ويكرره لجين وابوها لأن ابو لجين كان متفووق بدراسته وبحياته وكان ناجح في كل شي
حصه : مرت عمها ... خبيثه زي زوجها وانانيه وشايفه نفسها
وعندهم بنت وولد / شهد وعمرها 5 سنين ولؤي وعمرة 7 سنين """ بس يحبوووا لجين مرررة ومايقدروا يخفوا مشاعرهم وكمان لجين متعلقه فيهم """
***
خلصت لجين اشغالها وطلعت غرفتها وانسدحت ع السرير وهي تعباااانه من شغل البيت لأن كل شي على راسها ...
تذكرت شي وفتحت الكومدينو وأخذت صورة تجمع ابوها وامها وياسر اخوها وظلت تتحسس ملامحهم ودموعها الحاارة تنزل بدون توقف
::: ليه مااخذتوني معاكم .. قولوا لي انا وش اسوي بدونكم
انا تعبببت يارب ألهمني الصبررررر
# بِوجع ، بِألم ، ببكاء ،بِقَلبّ يَّكسوه الحزن ، هكذا هيَ تَفاصيل كل يَّوم أعيشه #
في الصالة / حصه وهي تحط ميكب اب وتجهز نفسها وسمعت صوت التلفون ..
حصه :الووو
...... بإرتباك : خاله حصه شلونك ..
حصه بطفش : نعمم شتبين
سمر وهي تبلع ريقها : اممم ابي لجين ضروري
حصه : انتي ماتفهمين .. كل يوم داقه يكفي تشوفينها بالمدرسه ساعات وش تبين فيها
وسمعيني زين ان دقيتي مرة ثانيه لاتلومين الا نفسك .... وقفلت بوجهها ***
حصه بغضب : ماااالت عليها هي ورفيقتها .. بنات آخر زمن
جابر : وش صاير .. منو المتصل
حصه : ماعلييك هذي رفيقه بنت اخوك .. قطيعه
جابر : يلا تأخرنا ع العزيمه .. خذي الاولاد ولحقوني ..
حصه : انزين .....
####
سمر بضييق : وييي يمه انا بعمري ماشفت مرت عم حقوووده هالكثر
انا ماادري شلون لجين صابره عليهم .. تصدقي يمه حتى مانعتني اكلمها بالتلفون
أم سمر : وربي قلبي متقطع عليها المسكينه بس ربي مايترك حد .. حسبي الله ونعم الوكيل فيهم
)) تعريف بالعائله ((
سمر : صديييقه لجين وأكثر من اختها وتحبها وماتقدر تستغني عنها .. بنت حلوة وجذابه وعندها 19 سنه وتدرس مع لجين بنفس الفصل
وعندها أخ واحد اسمه سليمان وعمرة 13 سنه .....
##########
للكاتبه ::::::: ❤Dįànà❤
