بنات بدي استشيركم بموضوع مهم..
انا و امي عايشين منفصلين عن ابوي و مرته...
في البدايه بلشت القصص بينهم و المشاكل ع الخيانه و امي اعطته 4 سنين وهي بتسامحه و هو يرجع يعيدها و يخونها اخر شي امي قالتله روح تجوز و ابعد عنا اتركني اعيش مع الاولاد هون... وهو ما سدق و ع طول تركنا و راح.. بعد م تجوز بقيمة تلت شهور صار بده يرجع و طبعا ماما رفضته لانه كان معيشنا بقرف بوجوده و كانت معاملته النا مش كوييه حتى ل امي.. بس ماما رفضت ترجعله و نحن كمان.. منع الناس تدخل عنا او نحن نطلع من البيت و منع عنا المصروف و الاكل و منع حد ينزللنا اكل واي شي.. و قعدنا ع هالحال فتره طويله مقعدنا ع الجوع عشان امي ترجعله و هي بردو رفضت و احنا رفضنا معاها بعدين صار بعطينا بالاسبوع 20 ليره بس و كانت تنصرف من اول يوم على حوايجنا و اصلا لما كان يعطينا اياها كان يمرمطنا لحتى ناخدها منه.. لعدين صار اخوي 16 سنه و صار يطلع يشتغل و بس صتر يجيب فلوس استغنينا عنه و بطلنا ناخد منه فلوس ابدا قام هو صار يبعتلنا اول جمعتين بعدين بطل يبعت... المهم.. هو معيشنا بتسويه.. غرفتين ومطبخ و حمام و البيت صغييير جدا بالشتا السقف بخر مي و الشبابيك بتدخل هوا كأننا قاعدين بره.. و بالصيف الجو حار بطريقه مش طبيعيه و اذا شافنا مشغلين مروحه بطلع عينا و بكسر الدار.. مرت فترة و عمي اشترى بيت اله بهيد و تركلنا البيت اللي اله اللي هو فوقنا مباشره و حكا هاد البيت الكم عشان بيتكم مو كويس.. قام حكا ل امي مره تانيه تعالي نرجع و ماما رفضت قام اخد مرته و قعدو بالبيت اللي عمي اعطانا اياه عشان يعجز امي.. المهم قعد بالبيت اللي فوقنا مع العلم انه هو و مرته و ابنه صغير و البيت عباره عن كيردور كبير و مطبخ واسع جدا و غرفة نوم و صالون كبير و نحن تحت ببيتنا اللي على شوي رح يوقع و نحن خمس اشخاص.. و صار يزبط ب بيته و يدهن فيه و يعمل جبسن بورد و جاب طقم قعده عربي جديد و جهز عفش ل بيته اللي بشوفه بقول انه بيت باشا.. و نحن عفش بيتنا صارلي من اول م اتولدت وانا شايفاه يعني 18 سنه تقريبا.. و كل شوي داخل طالع ب اكياس المشتريات على بيته و نحن بيبعتلنا بكام حباية بندوره.. المهم.. قاطع صلة الرحم عني و عن امي انا و امي بدو يصيرلنا سنتين مو شايفين حد من اهلنا لانه مانعنا و ما حد بيجي عنا بسببه ولا بخليني اروح ل خوالي ولا حتى بخلي امي تروحلهم ابدا... و فوق هيك مرته بتتيمع علينا بالنهار و هو قاعدلنا بالليل مش مخلينا حتى نعرف نتنفس و اذا سمع صوت اغاني بيجي قال بقعد يسرخ علينا و يحكيلنا شغلو قرأن احسنلكم عاد هو.. خليني ساكته.. حارمني من كل حقوقي.. حرمني من التعليم و حرمني من رفقاتي و حرمني من احبابي حتى حق التعبير عن رأيي حارمني اياه اقسم بالله طقت روحي كل حياتي عايشاها بالبيت ما شفت حد ولا رحت اي مكان..و يعني لا راحمنا ولا تارك رحمة ربنا تنزل لا فايدنا بشي ولا مخلينا نستفيد من شي.. حتى حقنا من الدعم الملكي كله اخده اله وحيات الله ما بنشوف منه قرش احمر... و لو اضل احكي و اوصف الظلم و القهر و الخوف اللي انا عايشه فيه ما بكفي.. من حقي اني ادعي ربنا يخلصني من الظالم ولا مالي حق؟؟
