واحده بتحكي قصة زواجها بتقول :🙈❤
أنا شفته لما كان طالع من صلاة الجمعة.... من 6 سنين كنت رايحة أنا وأختي زيارة لعند بيت جدي وهو كان إمام الجامع وكان واقف برا عم يحكي مع واحد وفجأة عيني إجت بعينه🙈 بس هوي دغري بعد نظره عني ... قلبي أول ما شافه دق💖 لساني اتلعثم ومعد حسنت أنطق حرف ....أختي صارت تحاكيني وما رد كنت سرحانة وبدنيا تانية 😄 وطول النهار أنا فكر فيه وكل ما أتذكر نظرة عيونه قلبي يصير يدق بسرعة 😍
مر فترة طويلة وكل يوم جمعة قبل ما الصلاة تخلص وهنن لسا بالركعة الأخيرة أطلع من البيت وأعمل حالي رايحة لعند رفيقتي اللي بيتها قدام الجامع😎 مشان شوفه أو ألمحه بس ما شفته😣
مر سنة ونص على هاد اليوم 💔 سنة ونص وبدعي انه يكون من نصيبي✋وكل جمعة كنت روح لعند الجامع على أمل اني شوفه بس للأسف اختفي وكأنه فص ملح وداب ...كل ما بتذكر نظره عيونه قلبي بدق بسرعة .... يمكن لأني أذنبت بعدم غض البصر الله ابتلاني وعاقبني بحبه😥 مشان هيك قررت إني اتركه لله واستودع حبي عند رب العالمين أمانة وأكيد طول ما عم أعصي ربنا فيه الله لح يحرمني منه ولح يبعدني عنه أكتر😥 ....مشان هيك بطلت روح لعند الجامع وأنطره هنيك لأنه " ما عند الله لا ينال إلا بطاعته " ودعيت ربي إنه إذا كان خير الي الله يجمعني معه بالحلال
بعدها بفترة أعلنوا عنا بالبلد عن مسابقة قرآن كريم فأنا فكرت وقررت إني أشترك فيها ومنه براجع اللي حفظتهن ونسيتهن 😊؛ وفعلا قدمت وروحت ولما فتت لقيته قدامي هو ومجموعة من المشايخ كان عضو باللجنة😮 أول ماشفته قلبي صار يدق بسرعة وحسيت وجهي صار متل النار من التوتر وجسمي صار يرجف
قعدت قدامة مشان سمع بس هوي أبدا ما اتطلع فيي سألني وقلي ابدئي من أول اية ✋
" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ "
أنا هون فقدت القدرة على النطق من التوتر وانه هوي قدامي وعم يحاكيني قلبي معد اتهدت دقاته حاولت سيطر على حالي و اتذكر بس مستحيل ما حسنت أتذكر شي وعيني ما شلتا من عالأرض ما حسنت أتطلع فيه 😪ما جاوبت عالسؤال وحكيتله نسيت ماني متزكرة ، اجا الشيخ اللي جنبه سألني سؤال فأنا هون خف توتري شوي وانه هوي ماعم يحكي معي فجاوبت عليه وبلشت أهدى وأجاوب عادي ..🌷
اجا دوره مرة تانية وسألني 🙈
فرجع قلبي يدق بسرعة وجسمي يرجف .... لما هوي بحكي معي نبرة صوته بتخربط دقات قلبي وما بعرف شو بصير معي ❤ اتطلعت بالأرض للمرة التانية وقلتله ما بعرف 😊؛ وبلشت أفرك إيدي بطريقة أي حدا بلاحظها
قام الشيخ اللي جمبه حكاله خلص أنا لح أسألها يا شيخ ياسر✋
جاوبي يابنتي على سؤالي هاد فأنا حسيت بالراحة شوي وهوي صار يسأل وأنا أجاوب سأل حوالي 7 اسئلة 👍وكلهن جاوبت عليهن 🌸..
ولما قلي بارك الله فيكِ 💐بس بدي أفهم ليش لكن أسئلتي يعني اللي ماجاوبتي عليها وصار يتبسم أنا قلبي اتبعثر ع الارض وقتا واتلبكت كتير 🙈 فحكالي إنتي داخلة ب 27 جزء صح ؟ طول الوقت وأنا عيني ما رفعتا من الأرض كنت عم اتطلع عالأرض وقلتله لاء ب 3 .... حكالي شلون ب 3 وانتي من شوي مجاوبة على اسئلة ب آل عمران والانفال والتوبة 😑🌷
قلتله ماني متذكرة وعيوني بلشوا يدمعوا 😓 قام أخد ملفي من قدام الشيخ اللي جنبه واتطلع فيه مشان يعرف أنا كم جزء حافظة 😃 وأول مافتح الملف ضربت عينه على صورتي وكأنه اتذكر شي🙈 وقال ايوا أنا هلق عرفت ليش انتي متوترة ..أبوكي معاكي برا !؟🌹
ف الشيخ اللي جنبة كان اسمة الشيخ جلال وكأنه حس على شي سأله شوفي ياشيخ ياسر !😏
حكالوا لا مافي شي.... و اتفضلي انتي يا حنين انتهت المقابلة ... فأنا طلعت وكان وشي احمر وعيوني مدمعين ،،،
رجعت عالبيت أخدت حمام و
لبست وحكيت لأمي نازلة اتمشى مع رفقاتي شوي 🌸، بعدها ب 3 ساعات موبايلي رن حكيت لرفقاتي هاد بابا أكيد لح يعيط عليي لاني اتأخرت ف فتحت الخط وأنا عم قول 😊❤ بابا أنا اسفة كتير ربع ساعة وبكون بالبيت... ما لقيت إلا هوي بيحكي معي وبحكيلي لوسمحتي يا انسة حنين أنا الشيخ ياسر المفروض انتي تنسألي 10 اسئلة
وانتي انسألتي 9 اسئلة لسا في سؤال واحد مشان هيك اجيت لعنكن عالبيت 😊 أنا هون اتلبكت والحكي معد طلع معي... ما بسمعه غير عم يحكيلي
السؤال هو موافقة انك تتزوجيني !؟ 🙈❤
يخرب بيت دقات القلب انا اغمي عليي وقتا والبنات صارت اتعيط لما وقعت عالارض😅 ... وهوي صار يقول انسة حنين !! لو سمحتي ردي عليي خير شو صار!!! لك حتى هاد السؤال نسيتي اجابته 😂 بابا بحكيله خير شوفي يا شيخ ياسر؟؟؟ قلوا والله ياعمي الظاهر انه بنتك ماتت من الصدمة😎وانخطبنا بس ماعملنا كتب كتاب لأن بابا ما وافق قال بلكي ماتم النصيب بنكتب الكتاب يوم العرس 😥وضلينا حوالي 9 شهور ملتزمين بضوابط الخطوبة حكالي حتى الموبايل مالح نحكي فيه لأنه انتي مانك حلالي وبخاف نعصي الله وبسبب هالذنب الله ينقص علينا سعادتنا بعد الزواج أو يحرمنا من بعض💔 بس كل جمعة تعالي عالجامع واسمعي الخطبة وفعلا كنت اروح كل جمعة اسمع خطبته 🌸
واتجوزنا 😍 أول جملة حكالي اياها بعد كتب الكتاب👇
" خليتيني اروح اخطب بجامع ببلد تانية من اول ما شوفتك مشان ما أغضب ربنا فيكي خفت انه أتعلق فيكي ونفوت بعلاقة محرمة وحب حرام💔 وأنا ماكنت وقتها مستعد للزواج لأن ظروفي ماكانت بتسمحلي بس كنت واثق انه اذا كنتي من نصيبي فمستحيل حدا ياخدك مني مشان هيك سلمت أمري لربي ☺" ،،،🌷 وبدي أحكيلك كمان انه اللي كتب الكتاب هوي الشيخ جلال وطول كتب الكتاب عم يحكيلي يانمس هلق بس عرفت ليش البنت كانت متوترة ..!😂🌎
واتجوزنا والله رزقنا ببنوتين حلوين ( رقية وخديجة ) 🙊🌸🌻
فعلا من ترك شيئا لله عوضه الله خيرا منه وأنا تركت الحرام مشان الله يجمعني معه بالحلااااال😍💙
