فى جملة عظيمة لمارلين مونرو بتقول " إذا كنت لا تستطيع أن تتحملني وأنا في أسوأ حالتي، فأنت لا تستحقني وأنا في أفضل حالاتي "
الجملة دى بتلخص مفهوم العلاقة الصح ، هنا انا مبتكلمش عن علاقة حب بس لا اى علاقة فى حياتك المفروض تبقى قايمه على الحقيقة دى .. هتلاقى ناس بتضحك معاك ووقت الجد مش هتلاقيها ، هتلاقى اللى يستحملك وقت مايكون مزاجك رايق ووقت ماتبقى " كئيب " او مش فى المود بياخد منك جنب .. هتلاقى اللى معاك طول الوقت و مع اول موقف جد وعصبيه منك مش هتلاقيه .
. اختاروا اللى يحبكم فى كل احوالكم .. هتقوله ابعد هيمسك فيك ، هتتغير هيقف جنبك .. هتبقى كئيب هيحب كئابتك .. هتبقى لاتطاق لكن بالنسباله انت اكتر حد مثالى فى الدنيا .. اختاروا اللى يحب عيوبكم ويدافع عنها قبل مايشوف مميزاتكم
