هيفا : خالتو نهااال خالتووو
نهال : اي شو في شبك حبيبتي ؟
هيفا : هيثم كان عم يحكي معي وفجأة صرخ وسكر الخط
نهال : اللهم اجعله خير يارب
بعد ساعة …..
رغد : الو هيفا كيفك ؟
هيفا : الحمد لله بخير
رغد : كنت متواعدة انا وهيثم يجي وكان رح يوصل قلي رح دق لهيفا اتطمن عليها وارجعلك ولهلأ لا رجع اتصل ولا وصل لعندي
هيفا : ………
رغد : هيفا ؟ في شي ؟
( هيفا بينها وبين حالها : طيب كيف بدي خبرها انو صرخ هداك الصوت وسكر الخط ؟! ما رح خبرها رح قلها ما دقلي وخلص )
هيفا : اي رغد .. شو قلتي كان الصوت مشوش ؟
رغد : عم قول كان هيثم جاي لعندي و بالطريق قلي بدي دق اتطمن عهيفا لانه ما حكيت معها اليوم ولهلأ ما وصل لعندي ولا رجع اتصل
هيفا : انا كان موبايلي مقفول ما بعرف ازا دق لأنه كان خالص شحن
رغد : يا ربي
هيفا : ازا دقلي بقلو يتصل فيكي حبي
رغد : ماشي
=======================================
في مكتب المحقق ….
هند : انا عنجد ما بعرف هالناس بس …
– ايواااا ورا هال بسسسس في شي .. احكي يا هند
هند : انا صح كنت حب هيثم .. وكنت مشتهيه ابعد رغد عن طريقو مشان يكون الي .. بس هيثم كان معلق برغد كتير .. ما كانت تفارق مكتبو ابدا كنت جن وغار اكتر
– كملي
كان المحقق عم يوتر هند .. يروح ويجي حواليها
هند : ما عملت شي
– كل ما نحكي هند رجعت لعقلها ورح تساعدنا بترجعي بتصعبيها علينا وعلى حالك
هند : ……. بدي نام
– اي هلأ بجيبلك مخدة من ريش نعام وفرشة من حرير لتنامي .. هيك نحنا بنعامل ( همس بإدنها ) المجرمين
هند : انا مو مجرمة انا ما عملت شي
– ايه براحتك .. على اقل من مهلك بس عفكرة كل اصابع الإتهام موجهة عليكي يعني .. يا هند اعترفي وريحينا لأنه كل الإثباتات ضدك شوفي هالفيديو بالله …
شغل المحقق الفيديو يلي بتحكي فيه هند عالموبايل …
هند : ……..
– مع مين كنتي تحكي ؟
هند : نسيت
– شي بينتسى لما تحكي لإم هيثم انه العصابة بتلاحقك بدها المبلغ يلي ام هيثم وعدتهن فيه ؟
هند : ام هيثم ؟
– انسة هند .. انتي مراقبة من قبلنا من بداية التحقيق .. والهاتف مراقب كمان .. يا منذر تعال
منذر : احترامي سيدي
– سمعها مكالمتها مع ام هيثم
شغل منذر تسجيل الصوت …
هند : …….
– شو قلتي هلأ رح تساعدينا وتخففي عن حالك ولا لأ ؟
هند : ما عملت شي
– منذر رجعها عالحجز وتعال لعندي
هند : اتركووووني
منذر : امشي قدامي
هند : طيب بدي احكي تلفون
– خرسي .. خدها من وشي بسرعة
=======================================
في بيت ام سعيد …..
نجوى : حبيبي لقيت شغل
سامر : عنجد ؟
نجوى : اي سكرتيرة عند دكتورة نسائية
سامر : ممتاز حلو كتيييير
نجوى : انا كتيييير مبسوطة
سامر : بتمنى شوفك مبسوووطة على طوووول
ام سعيد : فرحوني معكن
نجوى : هاتي بوسة
ام سعيد : خير ان شاء الله هههههه خير
نجوى : لقيت شغل
ام سعيد : ياعمري الله يعطيكي يلي ببالك ويرضى عليكي ويجبر بخاطرك
=======================================
تاني يوم الصبح ….
في بيت رغد ….
رن جرس الباب وراحت الشغالة تفتح ورغد عم تلحقها بالخطوات على كرسي متحرك ….
رغد : هيثم ؟؟؟؟ شو صاير ليش هيك حالك ؟؟ ما نمت طول الليل من خوفي عليك ودعيت ربي انك تكون بخير
هيثم : ( قرب من رغد وضمها ) اااااخ يا عمري عاللي صار فيني حتى موبايلي مدري كم قطعة انكسر منيح في عيادة قريبه اخدوني عليها شباب ولاد حلال
رغد : طيب احكيلي شو صاير معك ليش ايدك ورجلك ملفوفات هيك ؟
هيثم : حادث بسيط
رغد : حادث ؟؟!! كيف ؟
هيثم : كنت عم احكي مع هيفا وبمشي بالسيارة قام عملت حادث .. عادي حبي ليكني بخير .. بس جيت كرمال شوفك اشتقتلك سيارتي هلأ بالتصليح بس تتصلح بنطلع احلا مشوار سوا
رغد : يعني حكيت مع هيفا ؟
هيثم : اي
رغد : سألتها عنك لانك تأخرت علي .. قالتلي ما حاكاني ليش ؟
هيثم : هههههه مشان ما تشغل بالك … بس اشتري موبايل جديد وشريحة بدل يلي ضاعت برنلك
رغد : متى يعني ؟
هيثم : اليوم المسا حبي
رغد : هيثم .. اشتقت لإمي
هيثم : يا روحي بس اتحسن بجيبلك خالتو نهال لعندك
رغد : مشتاقة ارجع امشي واتحرك تعبت
هيثم : وانا رح ضل معك ورح نركض سوا على شط البحر متل زمان
رغد : هههههه تتذكر ؟
هيثم : اي وبيومها رميتيني بالبحر وهربتي لهيك ما لحقت امسكك
رغد : وبس مسكتني شو عملت ؟
هيثم : قربي لنعيد المشهد هههههه
رغد : بحبك
=======================================
بكر وهيفا عم يحكو عالموبايل ….
بكر : صباحو يا عسل
هيفا : اهلين بكر
بكر : شبك ليش هيك صوتك ؟
هيفا : تعبااااانة
بكر : سلامتك حبي .. بس يخلص الدوام رح اجي اخدك عالمشفى
هيفا : لأ ما بدي
بكر : باخدش رأيك قاعد .. بس يخلص الدوام رح اجي اخدك عالمشفى خاوا
هيفا : شو يعني خاوا ؟؟
بكر : يا ربي لازم اعمل الك قاموس الكلمة الفلسطينية وترجمتها بالسوري
هيفا : ههههههههه
بكر : يلا حبي خليني اروح أشتغل وبس اخلص برن عليكي
هيفا : الله معك
هيفا : خالتو نهال
نهال : اي حبيبتي
هيفا : في اخبار عن هيثم ؟
نهال : لا والله .. هلأ بدق لرغد يمكن بتعرف شي
هيفا : اي بس لا تحكيلها انه مبارح صرخ وسكر الخط .. مشان ما ينشغل بالا
نهال : ماشي
نهال : الو رغد كيفك يا عمري
رغد : الحمد لله بخير امي
نهال : ليكي .. عم دق لهيثم مشان يجي يتغدا عنا ما عم يرد
رغد : اي
نهال : شو أي ؟
رغد : هيثم عمل حادث بسيط وهلا هو بالبيت ما بظن يقدر يطلع
نهال : شوووووو ؟
هيفا : شو في ؟
سمعت رغد هيفا بس قالت شوفي .. حست بنار عم تشعل بصدرها من الغيرة
رغد : احكي لهيفا تسكت
نهال : ليش ؟
رغد : هيك ما تدخل بخطيبي ولا تسال عنو ولا تحكي معو ازا في مجال
نهال : شبك ولي جدبة ؟
رغد : يلا امي انا ما نمت من مبارح بدي نام
نهال : تعي احكيلي شبو هيثم ؟ حادث شو ؟
رغد : كتير بيهمك ؟
نهال : اي طبعا
رغد : اي روحي عندو واتطمني عليه
نهال : …..
رغد : يلا سلام امي
سكرت نهال الخط وهي مستغربة من كلام رغد عن هيفا بس ما خبرت هيفا بشي ….
هيفا : شو خالتو ؟
نهال : قال صاير معو حادث بسيط
هيفا : جد ؟ وكيفو هلأ ؟
نهال : ما رضيت تحكيلي
هيفا : ليش ؟
نهال : حكتلي روحي على بيتو اتطمني عليه
هيفا : ورح تروحي ؟
نهال : طبعاااا لأ
=======================================
في بيت هيثم …
ام هيثم : لك هيثم احكيلي شو صاير معك ؟
هيثم : ولا شي
ام هيثم : لا جد ؟ مانك شايف حالتك ؟؟ طيب رح روح افتح باب البيت لانه الجرس عم يرن بس رح تقلي شو صاير معك بالزبط ماشي؟
هيثم : ان شاء الله
راحت ام هيثم تفتح باب البيت … فتحت الباب ونادت بصرخة قوية … ( هيييييييييييييييييييثم )
__________________________
** ملاحظة : #جريم��_غير_تامة مسلسل رمضاني كل يوم حلقة بعد الفجر
