هلاو سنادس
اليوم شكو وحده بنفسه التاتو ومتكدر تسوي راح اخليكم تسوو
منو تريد تسوي تاتو بالبيت وتشتغله بيدها ومن مكونات جدا بسيطه ورخيصه بس هااا مؤقت يطول كم شهر بس
بس انتو كل مايخف اللون عيدو
حابه تسوي تاتو حواجب بدون متروحين للصالونه وتكلفين نفسك
تعالي اقولك شلون تسوي بالبيت بتكلفه بسيطه وعل كد الأيد وبدون اوكسجين
الطريقه وهذه سر ثبات التاتو عند الكوافيرات
الطريقه
اول شي نجيب حنه طبعا الحنه بيها لونين اذا تريدين لونه اسود جيبي حنه سوده اذا جوزي جيبي حنه جوزي
نجيب الحنه خلي بماعون استكان وخلي مي دافي عليه كلش قليل يعني تكون العجينه متماسكه لاثخينه ولاخفيفه
ارسمي حواجبك الرسمه الي تعجبك بعدها امسحي بقي بس اثر للرسمه حتى الرسمه متكون عازل بين الحنه والجلد جيبي عودة اسنان او عودة الاذن الافظل عودة الاسنان تكون الرسمه ثابته وارتب
اهم شي تثبتي ايدك زين موترتعشين حتى تضبط الرسمه
اي زياده تصير بالرسمه مسحيه بعودة الاذن بنفس اللحظه
خلي الماده عل حواجبك اطول فتره ممكنه كل ماطولين كل مايثقل اللون عندج
واذا خف اللون عندج تكدرين تعيدين عليه مره ثانيه وثالثه راح يضبط اللون عندك اكثر واكثر
ويدللو الحلوين
