#بنات_التريد_تسمن_تتبع_الجدول_لمده_شهرين
شوفو حبيباتي هذا الجدول لزياده الوزن بطريقه صحيه وبنفس الوقت لعلاج النحافه وفقر الدم وعلاج لكل الامراض
اولا:الريوووووووووك
كل يوم عالريوك اقلي بيض عدد اثنين مع رغيف خبز كامل وبس اخلص الريوك اشرب معلقه طحينيه الي تسموها راشي اي ملعقه اشربها مثل الدواء😘هاي بيها كومه سعرات حراريه واسؤي كلاص حليب مع ثلاث ملاعق شكر وملعقه صغيره حلبه اغليها واشربهم وطبعا ريوكي دائما الساعه تسعه الصبح وهذا كله ابقى كاعده ورا نص ساعه يلا اتحرك ورا شي ساعه ساعتين اكل شويه زبيب مع ٣حبات تين مجفف هذوله يخبلون لزياده الوزن وتخلص من فقر الدم والي معدها امكانيه تشتري تين وزبيب حبي حاولي تاكلين اي شي نص صمونه مع مربى مع دبس مع اي شي مهم شي خفيف وسعرات بي
ثانيا: الغداء
طبعا الغدويه اكل كلش هواي وها لازم تاكلون بسرعه مو بطئيه ترا التاكل بطئي تضعف اهضمي الاكل زين وبسرعه اكلي ودائما الكرفس او بقدونس لازم لازم بالغدويه موجود
خلصت الغدويه اخذ حبايه اوميگا3 نوعيه خاصه طبعا شريط سعره ب٣وبس ١٠حبات بس يخبل وبي فوليك اسد ومدعم بفيتامينات ال B حنزللكم صورته بتعليق اخذته ٣اشرطه يعني شهر واحد تاخذو مو اكثر متكدر تاخذ هاي النوعيه اكو نوعيه ب٦الف تكفي شهر كامل
ورا الغدويه هم اكل شؤيه زبيب مع ٣حبات تين واحاول اكل اي فاكهه موجوده او نساتل او اي شي متوفر عدكم
ثالثا:العشاء
طبعا العشا اكل واجبر روحي الا معدتي تكول كااافي 😁 وابقى كاعده ماتحرك ورا العشاء بساعه ابلع حبايه من مكمل الغذائي السنتروم وهمات احاول بعد عشاء شكو حلويات كاستر حلاوه بطحينه اي شي اكلها فديت النجفيات العلمني على حلاوه بطحينه فضيعه بزياده وزن
قبل النوم اسؤي كلاص حليب افوره مع ملعقه حلبه مطحونه وبعدها اخلي بخلاط
مع ٧تمرات واشربه وهيج هذا مشرؤب يكبر خلفيه وصدر فضيع يجنن
وبنفس وقت اسؤيلي لفه جبن لفه بركر خبز ودبس اي شي مهم اكله واخذ ملعقه طحينيه
طبعا قبل ٣سنوات بنجف مجان اكو شراب فاتركس وبصراحه جنت اشرب ملعقه نيورافيت مع حبايه نيبور اي نيبور هو مبي اضرار الماليزي بالاخص قبل جان مامغشوش بس قبل سنه انغش وانكطع وهسه رجع وهيج جنت مستمره ☺ب٣شهور وزني صار ٦٢وسمن طبيعي ومن وكتها تركت مشهيات والي هسه مستمره علينو هو سنتروم لان كلش مفيد
