انا احكيلكم قصتي 😍
انا متجوزه ابن خالى ومع بعض فى نفس الشارع ومن زمان بيقولو اهلنا احنا الاتنين لبعض
احنا وصغيرين كنا بنلعب مع بعض وعادى ولما كبرنا مبقناش نطيق بعض انا كنت بكرهه وهو بيكرهنى 😂
كنا كل ما نشوف بعض نتخانق
البلكونه بتاعتنا قصاد بتعتهم كنت لما اطلع البلكونه والقيه ادخل واسكر الباب فى وشه وهو كمان 😅
وكنت اول ما بشوفه بقوله انا مش هتجوزك لو كنت اخر راجل فى الكون
وهو كمان كان يقولى انا مش هتجوزك لو اخر وحده فى الكون
بس هو كان بيحب وحده وهى بتحبه واهله كانو رفضينها وسابو بعض وهى اتجوزت
وبعدها بفتره كلم ابوه وقاله عايز اتجوز فاطمه بنت عمتى الى هى انا
ابوه واهله وافقو
جه خالى كلم اهله وافقو وكلمنى انا انا معرفتش ارد خصوصا خالى ده غالى عليا زى ابويا
بس قلتله لا يا خالى انتو الى عايزينا لبعض لكن لا انا وهو عايزين بعض قال ولله هو الى كلمنى وقال عايزك
ف انا رحت ل مصطفى الى هو ابن خالى واتخنقت معاه 😂 قلتله اى الحوار الى انت عامله ده وحكايه عايز تتجوزنى وكدااا قالى واى يعني عادى عايز اتجوزك قلتله يا سلام انت مش بطيقنى يبقا كيف عايز تتجوزنى اكيد اهلك غصبوك
قال لا ولله انا الى كلمتهم وقلتلهم انى عايزك وانا لو مش عايزك محدش يقدر يغصبني فاهمه وبعدها سبته ومشيتى
طبعا الكل كان موافق وكدااا وسالونى عن رائى قلتلهم معرفش الى تشفوه صح اعملوه انا كنت محتاره ومش عارفه اخد قرار
يعني اتفقو وكدااا وعملنا خطوبه
فى فتره الخطوبه كنا بنتكلم عادى
بس مكدبش عليكم انا انجذبت لشخصيته خصوصا شخصيته قويه وراجل بجد ومسئول وليه كلمه وكدااا
فتره خطبتنا كانت قصيره يعني 5 شهور
اتعرفنا على بعض وكدااا كان فى انجذاب بينا وتفاهم
بعد ما اتحدد معاد الفرح انا كنت خايفه اووووى ومتوتره
وجه يوم الفرح هو كان كيوت وحلو خالص اول ما شوفته جذبنى ليه خصوصا مع شخصيته 🙈 وبعد الفرح كان متفتهم خالص وسبني براحتى مضغطش عليا خالص وكان حنين اوووى معايا
وبعدها ابتدينا نتعود علي بعض هو مع الوقت حبني وانا كمان حبيته اووووى
خصوصا مع طيبه قلبه
كنت بقولو انت بتحبني
كان يقول انا بعشقك انا محبتكيش غير بعد الجواز لما عرفتك بجد حبيتك
والحمد لله حبينا بعض ودلوقتى معانا بنوته ملك
( اسفه علي الاطاله )
